Ordubete. Horixe Portu Agintaritzako presidente berriaren lehen prentsaurrekoaren iraupena. Luze eta zabal aritu da gaur goizean Lucio Hernando kazetariek luzatutako galderei erantzunez. Bera presidente denetik lehen Administrazio Kontseilua idan da gaur goizekoa, eta bileraren aurretik irten da prentsa aurrera, batzarrean jorratu behar zituzten gaien berri ematera. Hiru gai nagusi aipatu ditu, nahikoa teknikoak gehienak eta horietako batek bereganatu du prentsa aretora bildutako gehienen arreta, kanpo kairako Ingurumen Iraunkortasunerako Txostena, hain zuzen. Zirt edo zart egiteko garaia Hernandok esan duenez, ingurumen txosten berria lantzen ari dira, Espainiako Ingurumen Ministerioaren tutoretzapean. Urriaren 31erako prest izango dela hitz eman du, eta txostena Madrilen aurkeztuta horren berri emateko prentsaurrekoa deituko dutela aurreratu du. Zirt edo zart egiteko unea dela uste du Hernandok, eta Ingurumen Txosten berria aurkeztuta Espainiako Ministerioaren erabakia onartu besterik ez dela izango esan zuen: “Hemen ez dago porrotik. Ingurumen txostena aurkeztuko da eta Ministerioak onartzen badu lehen urratsa egingo dugu, urrats oso garrantzitsua”. Ingurumen Ministerioak proiektuaren mugarri kritikoak zeintzuk diren zehaztu duela eta horiei irtenbidea bilatzeko lanean ari direla esan du, “gelditu gabe, are enfasi handiagoarekin”. Txosten berrian ingurumen iraunkortasunaz gain, iraunkortasun ekonomikoa eta soziala kontuan hartuko dituela esan du Hernadok eta zentzu horretan plan ekonomiko finantzarioa ere berrikusten ari direla [...]
Musika, dantza eta sua nagusi auzoetan, San Joan bezperan
Bertso saioa antolatu du Gazte 1+ez plataformak
Ibargain Musika Eskolan 2011-2012 ikasturterako matrikula epea zabalik dago hilaren 30a arte (datorren ostegunera arte). Hainbat musika tresna jotzen ikasteko eskolak eskaintzen dituzte Ibargainen: akordeoia, bateria, biolina, biolontxeloa, gitarra kla...
Karaez-Oiartzun Senidetza Elkartetik jakinarazi dutenez, aurten ez dute egingo Bretainara ia urtero egin ohi duten bidaia. Urtero ez bada, urte gehienetan antolatu du bidaia aipatutako elkarteak. Normalean, Xanisteban Jaien ondoren egiten dute. Aurten ...
Lau barrutietan piztuko dituzte bihar san joan suak, eta lau suen bueltan izango dira dantzariak Iritsi da urteko gaurik magikoena, eta berarekin batera sua pizteko garaia. Beste hamaika bazterretan gertatuko den legez, Pasaian ere lau barrutietan izan...
Iganderako antolatu du Jaizkibelek Mugarrien Ibilbidearen barruko hurrengo irteera, hamalaugarrena. Oraingoan Nafarroako Pirinioa izango dute jomuga. Larrainetik irten eta Belagoan bukatuko dute ibilbidea, tartean Otsagorrigaina, Barazea eta Binbaleta mendietako tontorrak igoz. Ibilbideak 17 kilometro ditu eta 1.130 metroko igoera. Interesdunek 943 51 47 00 telefono zenbakira dei dezakete. Portukoak Zegamara Portuko mendi taldekoak, aldiz, Zegamako Aitxuri mendira doaz etzi. Interesdunek Portu Agintaritzara dei dezakete eta Anarengatik galdetu
Eusko Jaurlaritzak ematen duen Batxilergoko Aparteko Sarietako bat irabazi berri du Udane Loidi Labandibarrek (Oiartzun, 1992). Ikasle fina izateak fruituak ematen dituela erakutsi du. Hasteko, zorionak sariagatik. Pozik lortutakoarekin? Eskerrik asko. Egia esan bai, pozik nago eta gustura. Senideak ere pozik egongo dira sariarekin, ezta? Bai, oso pozik. Eta lagunek eta ingurukoek zer esan dizute? Zoriondu egin naute, eta nik eskerrak eman dizkiet, noski. Gustura nago. Irakasleek ere zorionduko zintuzten… Bai, bereziki Oiartzo ikastolakoek. Izan ere, han egin nuen batxilergoa eta han pasatu nituen aro horretako bi urteak, bertako irakasleekin. Sari banaketara ere etorri ziren Txema, Amaia eta Helena irakasleak, esaterako. Eurek eman ziguten azterketaren eta sarien berri, eurei esker jakin genuen azterketa egiteko aukera zegoela. Zehazki, Amaia Lakak azaldu zigun. Eskertzekoa da. Eskertzekoa… Bai, eskerrak eman nahi dizkiet irakasleei, eurengatik jakin genuelako azterketaren berri. Eta baita sariaren antolatzaileei, izan ere kanpora joateko aukera ere ematen digute azken horiek. Azterketa aipatu duzu. Nola eskuratzen da saria? Batxilergoan batez besteko nota 8,75tik gora dutenek irabazi dezakete saria. Denek dute aukera Eusko Jaurlaritzak deitzen duen azterketa egiteko. Azterketa horretan hiru idatzi egiten dira, eta idatzi horietan, lan onenak egin dituztenei, saria ematen diete. Batxilergoan egindako lana saritzeko sariak dira. Zenbat pertsonei eman [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
