Oarsoaldeak eta Zuberoak bat egingo dute Pasai Antxon

Oarsoaldeko hainbat talde, eragile eta norbanakok Zazpiak Bat Eguna antolatu dute hilaren 18rako Pasai Antxon. Egun osoko festa izango da, eta Zuberoarekin Oarsoaldeak duen harremana indartzeko eguna izango da, «Euskal Herriaren izaera eta nortasuna aldarrikatzeko». Horretarako Ipar Euskal Herriko herrialdeko ordezkariek hainbat ekitaldi burutuko dituzte Pasaian, eta Oarsoaldekoek ere eguna girotuko dute. Ondoko zerrendan dago egunaren egitaraua.
Zazpiak Bat Harreman Sareak antolatu du eguna. Joan den astelehenean agerraldia egin zuten sareko ordezkariek eta Pasai Antxoko eragileek eguna aurkezteko. Bertan nabarmendu zuten «Frantziak eta Espainiak bitan zatituta» dutela Euskal Herria, eta horrek herrialdeen arteko garapena baldintzatu duela: «Horrek ondorio zuzenak izan ditu». Horri aurre egiteko Zazpiak Bat Harreman Sareak hainbat ekimen jarri ditu abian. Horietako da Zazpiak Bat Eguna: «Gisa honetako ekimenak ezinbestekoak dira denon arteko zubiak eraikitzen jarraitzeko».
Zuberoa eta Oarsoaldearen arteko azken urteetako harremanak batik bat instituzionalak izan direla adierazi zuten sareko kideek astelehenean, eta lotura horiek «herritartzea eta sendotzea» erronka dutela jakinarazi zuten.

Egitasmo zehatzak Lotura horiek indartzeko bidean egitasmo zehatzak eta egingarriak lantzeko asmoa dute harreman sareko partaideek. Hori egiteko modurik eraginkorrena auzolanean aritzea dela uste dute. Egitasmo horien baitan ekonomia, kultura eta gizarte alorretakoak nabarmedu dituzte. Baina hori guztia baino lehen «zazpi herrialdetako herritarrek elkarren berri izateko» beharra aitortu dute harreman sarekoek, eta horregatik antolatu dute hilaren 18ko egun osoko festa.
Aurretik Lezoko eta Oiartzungo udalek Zuberoako herritarrekin zuten elkarlan harremana, orain, Zazpiak Bat Harreman Sareak hartu du. Hilaren 18koaz gain, beste hainbat ekimen prestatzen ari dira.p11:00etan. Eguna hasteko suziria botako dute. Azoka ere zabalduko dute. Bertan Zuberoako ekoizleen produktuak erosteko aukera izango da. Gure Zumardian izango dira bi jarduera horiek.

Egitaraua
11:30ean. Ipuin kontalaria Kultur Etxean.
11:30ean. Maskarada zati baten erakustaldia Gure Zumardian.
13:00etan. Kantu jira Antxoko kaleetatik zehar.
14:30ean. Bazkaria Biteri plazako pilotalekuan jarriko dituzten karpetan.
16:30ean. Bazkaldu ondorengo kantaldia Iñaki Labaka kantautorearekin.
18:00etan. Olaz Olaz Ikas ikus-entzunezkoa ikastoletako ikasle ohien parte hartzearekin.
19:30ean. Bertso-triki poteoa Antxoko kaleetatik.
21:00ean. Erromeria Bide Batez taldearekin.
Oharra.
Zazpiak Bat Eguna, aurkezpena

Zazpiak Bat Eguna, aurkezpena

Bazkarirako txartelak Errenteria-Oreretako, Lezoko, Pasaiako eta Oiartzungo ohiko tokietan daude salgai. Helduen menuak hamabost euroko prezioa du, eta haurrenak, zazpi.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.