Udalak webguneari itxura aldatu dio, “erreferente izateko”
Udalak bere webguneari (www.lezo.net) itxura aldatu dio. Haritz Salaberria alkateak adierazi duenez, “Udalak daraman komunikazio ildoarekin bat datorren webgunea sortu nahi genuen; estiloari , estetikari eta edukiari dagokionean koherente izango ...
Udalak bere webguneari (www.lezo.net) itxura aldatu dio. Haritz Salaberria alkateak adierazi duenez, “Udalak daraman komunikazio ildoarekin bat datorren webgunea sortu nahi genuen; estiloari , estetikari eta edukiari dagokionean koherente izango nahi dugu. Aldizkariarekin hasi ginen, Udalaren markarekin jarraitu eta webgunea beste pauso bat da”.
Horrela, itxura “garbiagoa, bisualago, atseginagoa du”, alkateak adierazi duenez, “nabigatzea erraza izan dadin eta esperientzia ona”. Gainera, integrazio soziala bilatu nahi dute udal komunikazioaren bitartez: “Herritarrek udalaren auzietan parte hartzea bermatu nahi dugu, baita informazio eskubidea ere. Udalaren eta arteko ulerkortasuna bultzatu nahi dugu”. Webgunea herritarren artean “erreferente” izatea nahi dute, eta horregatik webgunea eguneratuko dutela jakinarazi dute, “lan handia den arren”.
Webgunearen edukiak sare sozialetan zabaltzeko aukera ere izango da, aurki, oraindik ez baitute webgunea guztiz bukatu. “Informazio asko dago Udalaren webgunean —aktak, ordenantzak…—, eta horiek guztiak pixkanaka sartuko ditugu”, adierazi du alkateak. Aurreko webguneak zituen atalekin alderatuta, berritasun nagusiena multimedia atala izango da. Horrez gain, agenda momentu oro agertuko webgunearen alde batean.
