Migrazio arloko parte hartze prozesuaren ondorioak, topaketan
Leku askotako jendea elkarrekin bizitzeak berekin dakartzan ondorioen gainean hausnartzeko, parte-hartze prozesua burutu da Pasaian azken urte eta erdian. Jatorri anitz, herri bat lelopean, Udalak bultzatu du prozesua, eta Anitzak kolektiboak dinamizatu du. Batez beste, 50 lagunek parte hartu dute prozesuan, zenbait eragile ordezkatzen hainbatek, norbanakoak beste zenbaitek. Aipatu parte hartze prozesuaren lehen zatia amaituta dagoela, eta hura abian jartzean ezarritako helburua lortuta dagoela jakinarazteko agerraldia egin zuten atzo goizean Migrazio eta Aniztasun Arloko arduradun Obdu Lorenzok eta Pasaiako alkate Maider Zigandak. Kontent dago Udala prozesutik eratorri diren emaitzekin, eta “jauzi kuantitatibo eta kualitatibo garrantzitsua” suposatu duela esan dute. Ondorioak eskuan, topaketa antolatu dute ekainaren 2rako, prozesuan parte hartu duten guztiekin, “emaitzak zein detektatu diren bestelako premiak, erronkak eta konpromiso zehatzak gainontzeko herritarrekin partekatzeko”. Ekainaren 2an izango da topaketa, osteguna, 18:30ean, Trintxerpeko alkateordetzan. Migraziorako euskal politikaren beharra “Euskal Herrian gaur egun migraziorako euskal politika egiterik ez dagoela” berretsi du Gobernu Taldeak, eskuduntza estatuek dutelako. Lanerako “muga” izanagatik ere, orain dela lau urte Migrazioa eta Aniztasunaren Arloa sortzea erabaki zutela gogorarazi dute, esan dutenez beren “aletxoa” ekarri nahi izan dutelako “migrazio politika erreal baten bidean”. Zentzu horretan egin dituzten hainbat urrats gogorarazi dituzte. Erroldarekin Udalak “irakurketa propio” egin duela nabarmendu dute, [...]
Leku askotako jendea elkarrekin bizitzeak berekin dakartzan ondorioen gainean hausnartzeko, parte-hartze prozesua burutu da Pasaian azken urte eta erdian. Jatorri anitz, herri bat lelopean, Udalak bultzatu du prozesua, eta Anitzak kolektiboak dinamizatu du. Batez beste, 50 lagunek parte hartu dute prozesuan, zenbait eragile ordezkatzen hainbatek, norbanakoak beste zenbaitek.
Aipatu parte hartze prozesuaren lehen zatia amaituta dagoela, eta hura abian jartzean ezarritako helburua lortuta dagoela jakinarazteko agerraldia egin zuten atzo goizean Migrazio eta Aniztasun Arloko arduradun Obdu Lorenzok eta Pasaiako alkate Maider Zigandak. Kontent dago Udala prozesutik eratorri diren emaitzekin, eta “jauzi kuantitatibo eta kualitatibo garrantzitsua” suposatu duela esan dute.
Ondorioak eskuan, topaketa antolatu dute ekainaren 2rako, prozesuan parte hartu duten guztiekin, “emaitzak zein detektatu diren bestelako premiak, erronkak eta konpromiso zehatzak gainontzeko herritarrekin partekatzeko”. Ekainaren 2an izango da topaketa, osteguna, 18:30ean, Trintxerpeko alkateordetzan.
Migraziorako euskal politikaren beharra
“Euskal Herrian gaur egun migraziorako euskal politika egiterik ez dagoela” berretsi du Gobernu Taldeak, eskuduntza estatuek dutelako. Lanerako “muga” izanagatik ere, orain dela lau urte Migrazioa eta Aniztasunaren Arloa sortzea erabaki zutela gogorarazi dute, esan dutenez beren “aletxoa” ekarri nahi izan dutelako “migrazio politika erreal baten bidean”. Zentzu horretan egin dituzten hainbat urrats gogorarazi dituzte.
Erroldarekin Udalak “irakurketa propio” egin duela nabarmendu dute, “jatorri aldetiko bereizketarik egin gabe pertsona guztiei eskubidea aitortuz”.
Adingabekoen eskubideak bermatze aldera, bestalde, Harrera On programaren barruan egindakoak gogoratu dituzte, eta hizkuntzei dagokionez, azkenik, Pasaian gehien erabiltzen direnei beren tokia aitortzeko egindako ahalegina. Euskara eta gaztelania ez ezik, galiziera, arabiarra eta portugaldarra erabiltzen ditu Udalak beren esku orrietan.
Udalaren zeregina, edonola ere, “herritarren parte-hartzea akuilatzea eta sostengatzea» dela nabarmendu zuen, bide batez, Udalak, «baina inola ere ez, haien ordez erabakiak hartzea”.
Zentzu horretan aurrerantzean prozesua nola egin beren protagonistak erabakiko dutela ohartarazi zuten, eta parte hartze prozesuaren ondorioak beraiek aurkeztuko dituztela.
