‘Baginaren bakarrizketak’, asteartean
Errenteriako Udal Euskaltegiak antolatuta, euskal antzerkiaz gozatzeko aukera izango da datorren asteartean, Baginaren bakarrizketak lana eskainiko baitute, 18:00etan, Errenteria Hiria Kulturgunean. Ordu bete pasatxoko lan horrek, “emakumeak eure...
Errenteriako Udal Euskaltegiak antolatuta, euskal antzerkiaz gozatzeko aukera izango da datorren asteartean, Baginaren bakarrizketak lana eskainiko baitute, 18:00etan, Errenteria Hiria Kulturgunean. Ordu bete pasatxoko lan horrek, “emakumeak euren sexualitatearekiko sentitu eta sentitzen dituzten erru eta lotsa sentipenetatik libre uztea” du helburu.
Baginaren bakarrizketak elkarrizketa batzuen emaitza da. Horretarako adin, arraza, maila kultural eta sozial ezberdinetatik datozen 200etik gorako emakumeri egin zieten elkarrizketa. Lan hori hainbat hizkuntzatan antzeztu dute, eta euskaraz, Aitziber Garmendiaren eta Ainhoa Garairen eskutik iritsi da.
Antzerkira joateko beharrezkoa izango da gonbidapena, eta horretarako hiru bide izango dituzte interesdunek: udal euskaltegia (943 44 96 80), euskara zerbitzua (943 44 96 10) eta Errenteria Hiria Kulturgunea (943 44 96 34).
