Sakabanaketaren aurpegia
Bi belaunaldi eta patu bakarra. Hori da Landare elkarteak apirila osoan zehar hartuko duen sakabanaketaren gaineko argazki erakusketaren izenburua. Nekanek eta Maialenek jarri diote aurpegia sakabanaketari Etxerat elkarteak egindako argazkietan eta Amnistiaren Aldeko Mugimenduak antolatutako erakusketan. Bi belaunaldi ezberdinetako emakumeak izanik patu berak lotu ditu; izan ere, bien bikotekideak euskal presoak dira, eta 800 kilometro egin behar izaten dituzte Jaengo espetxeraino iritsi eta haiek besarkatu ahal izateko. Besarkadaren unea, baina, ez da beti izaten posible. Helmugara bidean, gasolindegiak, kilometroak, ordainlekuak, errepideetako hotel hotza pasatu beharko dituzte. Bidaia luzearen ostean, Maialen sartu da bikotekidea ikustera, besarkatu ahalko du gaurkoan; Nekane, berriz, kanpoan gelditu da. Aurrez aurreko intimora sartu aurretik, ukimenezko miaketa egin nahi izan diote funtzionarioek, “gorputza ukitu nahi izan diote, bere intimitatea lapurtu, eta uko egin dio”, azaldu dute erakusketaren antolatzaileek. Hortaz, bikotekidea ikusi gabe, bere laguna ukitu eta besarkatzeko duen bi orduko hitzordua egin gabe itzuli beharko du Euskal Herrira. Gaiaren gaineko gogoeta Nekane eta Maialenena beste halako hamaika egoeren testigantza izatea bilatzen du: “Izan ere astebururo astebururo beste hainbeste senide eta lagun abiatzen dira euren bikotekide, ama, semea, laguna ikusi eta besarkatu ahal izateko”, gaineratu dute. Erakusketaren bidez, sakabanaketa salatzearekin batera “gaiaren gaineko gogoeta” eragin nahi dutela esan [...]
Bi belaunaldi eta patu bakarra. Hori da Landare elkarteak apirila osoan zehar hartuko duen sakabanaketaren gaineko argazki erakusketaren izenburua.
Nekanek eta Maialenek jarri diote aurpegia sakabanaketari Etxerat elkarteak egindako argazkietan eta Amnistiaren Aldeko Mugimenduak antolatutako erakusketan. Bi belaunaldi ezberdinetako emakumeak izanik patu berak lotu ditu; izan ere, bien bikotekideak euskal presoak dira, eta 800 kilometro egin behar izaten dituzte Jaengo espetxeraino iritsi eta haiek besarkatu ahal izateko.
Besarkadaren unea, baina, ez da beti izaten posible. Helmugara bidean, gasolindegiak, kilometroak, ordainlekuak, errepideetako hotel hotza pasatu beharko dituzte. Bidaia luzearen ostean, Maialen sartu da bikotekidea ikustera, besarkatu ahalko du gaurkoan; Nekane, berriz, kanpoan gelditu da. Aurrez aurreko intimora sartu aurretik, ukimenezko miaketa egin nahi izan diote funtzionarioek, “gorputza ukitu nahi izan diote, bere intimitatea lapurtu, eta uko egin dio”, azaldu dute erakusketaren antolatzaileek.
Hortaz, bikotekidea ikusi gabe, bere laguna ukitu eta besarkatzeko duen bi orduko hitzordua egin gabe itzuli beharko du Euskal Herrira.
Gaiaren gaineko gogoeta
Nekane eta Maialenena beste halako hamaika egoeren testigantza izatea bilatzen du: “Izan ere astebururo astebururo beste hainbeste senide eta lagun abiatzen dira euren bikotekide, ama, semea, laguna ikusi eta besarkatu ahal izateko”, gaineratu dute. Erakusketaren bidez, sakabanaketa salatzearekin batera “gaiaren gaineko gogoeta” eragin nahi dutela esan dute.
Horretarako, Nekanek eta Maialenek egindako bidaietako batean ateratako argazkiekin batera, sakabanaketaren gaineko datuak bildu dituzte antolatzaileek erakusketan “sakabanaketak eragindako koste ekonomikoa eta pertsonala izugarria delako”. Hala, erakusketan bildutako datuen arabera, euskal presoen familia bakoitzak 1.223 kilometro egin behar ditu astean batez beste, eta 63.599 kilometro urtean. Horrez gain, familia bakoitzak 378 euro gastatzen ditu astero batez beste, eta 19.653 euro urtean.
Amnistiaren Aldeko Mugimenduak herrian 25 euskal preso daudela gogorarazi du, eta haietako bat, Jose Mari Mujika Jitxo, maiatzaren 1ean askatuko dutela jakinarazi du.
