Zaldiaren Eguna, Apirileko Feriaren ekitaldi nagusia
Hiru egunez, Andaluziako kulturak zipriztinduko du Gamon Zumardia. Etzitik hasi eta igandera arte, Apirileko Feria egingo dute, eta ekitaldiz betetako programa osatu dute. Horien artean, igandeko Zaldiaren Eguna nabarmendu dute antolatzaileek, Concha Rocierako kideek. Egun osoan zaldiak izango dira protagonista Zumardian. 10:00etatik 13:00etara animalia horien erakusketa izango da, eta haurrentzako poneyak. 12:00etan lehiaketa egingo dute zaldirik eta zaldizkorik dotoreenak hautatzeko. Bi sari izango dira horientzat. Amaitutakoan, zaldi eta gurditxo irteera egingo dute Erdialdean barrena. Etzi, 19:30ean zabalduko dute feria, eta Ereintza Dantza Taldekoek aurreskua dantzatuko dute. Hortik aurrera, dantzaldiak, kontzertuak eta jateko eta edateko aukera izango da azokan, igande iluntzera arte. Aurten, gainera, talde gehiago izango dira “azokari indarra emateko”. Egitaraua Etzi, apirilak 8 19:30. Feria barrutiaren inaugurazioa agintarien eskutik, eta Ohorezko Aurreskua Errenteriako Ereintza Dantza Taldearekin eskutik. 20:30. Concha Rociera kultur elkarteko Rociero abesbatzaren emanaldia. 21:30. Ataria argituko da. 23:00. Los amigos del sur (Lasarte-Oria) taldearen emanaldia. Ondoren. Itxi arte sevillanak. Etzidamu, apirilak 9 13:00. Kriskitin kontzertua Cote Basque taldearen eskutik. 14:00. Sevillana dantzak. 17:00. Concha Rociera dantza akademiako ikasleen emanaldia. 18:00. Concha Rociera kultur elkarteko dantza taldearen emanaldia. 19:00. Flamenkoko jantzi eta osagarrien desfilea Txelo´s etxearen eskutik. 20:00. Azahar flamenko taldearen emanaldia. 21:30. Sevillana dantzak. 23:00. Media Luna [...]
Hiru egunez, Andaluziako kulturak zipriztinduko du Gamon Zumardia. Etzitik hasi eta igandera arte, Apirileko Feria egingo dute, eta ekitaldiz betetako programa osatu dute. Horien artean, igandeko Zaldiaren Eguna nabarmendu dute antolatzaileek, Concha Rocierako kideek.
Egun osoan zaldiak izango dira protagonista Zumardian. 10:00etatik 13:00etara animalia horien erakusketa izango da, eta haurrentzako poneyak. 12:00etan lehiaketa egingo dute zaldirik eta zaldizkorik dotoreenak hautatzeko. Bi sari izango dira horientzat. Amaitutakoan, zaldi eta gurditxo irteera egingo dute Erdialdean barrena.
Etzi, 19:30ean zabalduko dute feria, eta Ereintza Dantza Taldekoek aurreskua dantzatuko dute. Hortik aurrera, dantzaldiak, kontzertuak eta jateko eta edateko aukera izango da azokan, igande iluntzera arte. Aurten, gainera, talde gehiago izango dira “azokari indarra emateko”.
Egitaraua
Etzi, apirilak 8
19:30. Feria barrutiaren inaugurazioa agintarien eskutik, eta Ohorezko Aurreskua Errenteriako Ereintza Dantza Taldearekin eskutik.
20:30. Concha Rociera kultur elkarteko Rociero abesbatzaren emanaldia.
21:30. Ataria argituko da.
23:00. Los amigos del sur (Lasarte-Oria) taldearen emanaldia.
Ondoren. Itxi arte sevillanak.
Etzidamu, apirilak 9
13:00. Kriskitin kontzertua Cote Basque taldearen eskutik.
14:00. Sevillana dantzak.
17:00. Concha Rociera dantza akademiako ikasleen emanaldia.
18:00. Concha Rociera kultur elkarteko dantza taldearen emanaldia.
19:00. Flamenkoko jantzi eta osagarrien desfilea Txelo´s etxearen eskutik.
20:00. Azahar flamenko taldearen emanaldia.
21:30. Sevillana dantzak.
23:00. Media Luna (Madril) talde rociero ezagunaren emanaldia.
Igandea, apirilak 10
10:00-13:00. Zaldiak Gamon Zumardian egongo dira ikusgai. Hiru poney ere izango dira haurrek feria barrutiaren inguruan ibiltzeko aukera izan dezaten.
12:00. Zaldien eta zaldikoen lehiaketa eta sari banaketa.
12:00. Gonbidatutako elkarteetako koru eta taldeen emanaldia:
- Aljarafe Andaluziako kultur elkartea (Errenteria).
- Semblante Andaluz (Lasarte-Oria).
- Asociacion Cultural Concha Rociera (Errenteria).
13:00. Zaldi eta gurditxo irteera, zirkuitu itxia. Ibilbidea: Zumardia, Biteri txiki, Biteri-Biteri, Xenpelar, Foru plaza, Kapitain enea eta Biteri txiki.
13:00. Benentziadore erakustaldia (ardo kopak modu tradizionalean betetzea).
15:30. Sevillana dantzak.
18:00. Salinas (Madril) taldearen emanaldia: Antonio (gitarra), Alberto (perkusioa eta esku zartak) eta Sandra.
Ondoren. Sevillana dantzak.
20:00. Sevillana jantzien zozketa.
21:30. Errenteriako IV. Apirileko Feriaren amaiera.
