Urtebeteko zigorra, gizon bati labanarekin erasotzeagatik
Gizon bati urtebeteko kartzela zigorra ezarri diote beste bati labanarekin erasotzeagatik Errenteria-Oreretan, taberna batetik ateratzerakoan. Hala ere, kartzela zigorraren ordez, isunak soilik ordaindu beharko ditu, 1.040 eurokoak guztira. 2008ko uzta...
Gizon bati urtebeteko kartzela zigorra ezarri diote beste bati labanarekin erasotzeagatik Errenteria-Oreretan, taberna batetik ateratzerakoan. Hala ere, kartzela zigorraren ordez, isunak soilik ordaindu beharko ditu, 1.040 eurokoak guztira. 2008ko uztailaren 13an izan ziren gertakizunak. Epaiaren arabera, 04:30 aldera, taberna horretatik ateratzerakoan, auzipetuak botila bat bota zion biktimari, eta ebakiak eragin zizkion belarrian eta lepoan.
Gaineratu duenez, erasotuak izandako erreakzioa aurpegiratu zion auzipetuari, eta honek labana bat atera zuen, eta behin baino gehiagotan erasotu zuen gorputzeko zenbait partetan. Hala, zauriak eragin zizkion, sabelean, torax ezkerraldean, lepoko ezkerreko aldean, eta ezkerreko belarrian. Ondorioz, hamabi egun behar izan zituen gizonak osatzeko.
Epaian zehazten denez, akusatuak ihes egin zuen, baina hilabete batzuk beranduago, azaroaren 29an, erasotuak taberna berean ikusi zuen, eta berriro erasotzen saiatu zen. Hala ere, ihes egin zuen, baina ertzainek segituan atzeman zuten.
