Oiartzuar gehienak ondo moldatu dira atez atekora
Udalak eskatuta Aztiker Ikerguneak egindako inkestaren emaitzaren arabera, “hamar oiartzuarretatik ia zortzi (%77,1), ongi edo oso ongi moldatu dira atez ateko bilketara”. Atez atekoa martxan jarri eta zortzi hilabetera inkesta egitea erabaki zuen Udalak, herritarren asebetetze maila ezagutzeko. Urtarrilaren 28tik otsailaren 11ra egin zituen galdeketak Aztikerrek. Oiartzungo 504 etxeetarako deitu zuten telefonoz, zoriz aukeratuta, eta inkestatu guztiei galdera sorta bera egin zieten: nola moldatu diren, ordutegiaz, egutegiaz, hobetzeko proposamenak… 15 urtetik gorakoak izan dira elkarrizketatuak, eta sexu eta adinaren araberako oreka ziurtatu du Aztikerrek. Aztikerren arabera, %95,5 konfiantza maila du inkestak: “Edozein azterketa soziologikori eskatzen zaion ziurtasun maila. Egin den azterketa soziologikoan erabilitako laginarekin, Oiartzungo unibertsoaren argazki fidela lortu da”. Datu nagusienak Inkestatik ondoriozta daitekeenez, oiartzuarren %77,1 ongi edo oso ongi moldatu da atez ateko bilketara. %12,3k erdipurdi moldatu dela adierazi du eta %10,5k gaizki edo oso gaizki. Hala, sistemaren alde dago oiartzuarren %71,4 eta kontra 22,9. Bestalde, banatu den informazioaren kalitatea ona edo oso ona dela diote herritarren %73,3k; erdipurdikoa %20,1k eta txarra edo oso txarra %5,6k. Moldatu eta herrian lortu dituen emaitzak ikusita, ahaleginak merezi izan duela uste du herritarren %79,3k. Datuak onak direla, baina eskatzen duen ahalegina gehiegizkoa dela eta, beraz, ez duela merezi, diote %4,6k. Gainera, [...]
Udalak eskatuta Aztiker Ikerguneak egindako inkestaren emaitzaren arabera, “hamar oiartzuarretatik ia zortzi (%77,1), ongi edo oso ongi moldatu dira atez ateko bilketara”.
Atez atekoa martxan jarri eta zortzi hilabetera inkesta egitea erabaki zuen Udalak, herritarren asebetetze maila ezagutzeko. Urtarrilaren 28tik otsailaren 11ra egin zituen galdeketak Aztikerrek. Oiartzungo 504 etxeetarako deitu zuten telefonoz, zoriz aukeratuta, eta inkestatu guztiei galdera sorta bera egin zieten: nola moldatu diren, ordutegiaz, egutegiaz, hobetzeko proposamenak…
15 urtetik gorakoak izan dira elkarrizketatuak, eta sexu eta adinaren araberako oreka ziurtatu du Aztikerrek. Aztikerren arabera, %95,5 konfiantza maila du inkestak: “Edozein azterketa soziologikori eskatzen zaion ziurtasun maila. Egin den azterketa soziologikoan erabilitako laginarekin, Oiartzungo unibertsoaren argazki fidela lortu da”.
Datu nagusienak
Inkestatik ondoriozta daitekeenez, oiartzuarren %77,1 ongi edo oso ongi moldatu da atez ateko bilketara. %12,3k erdipurdi moldatu dela adierazi du eta %10,5k gaizki edo oso gaizki. Hala, sistemaren alde dago oiartzuarren %71,4 eta kontra 22,9.
Bestalde, banatu den informazioaren kalitatea ona edo oso ona dela diote herritarren %73,3k; erdipurdikoa %20,1k eta txarra edo oso txarra %5,6k.
Moldatu eta herrian lortu dituen emaitzak ikusita, ahaleginak merezi izan duela uste du herritarren %79,3k. Datuak onak direla, baina eskatzen duen ahalegina gehiegizkoa dela eta, beraz, ez duela merezi, diote %4,6k.
Gainera, herritarrek kale garbitasunarekin gustura daude: %76,5en ustez kaleko garbitasuna ona edo oso ona da. Erdipurdikoa %18,5arentzat eta txarra edo oso txarra %5aren iritziz.
Herritarrei eskerrak
Udalak, beste behin, eskerrak eman dizkie oiartzuarrei, “elkarlanean lortu ditugun emaitza onengatik». Era berean, inkesta erantzuteagatik ere eskerrak eman dizkie Udalak herritarrei: «Eskertzekoa da erakutsi duten prestutasuna eta jarrera ona, horrek lana erraztu baitu”.
Udaletik gogorarazi dute, inkesta oso baliagarria da Udalarentzat: “Emaitzak jasotzeaz gain, datuak interpretatzeko aukera ematen baitu. Hartara, herritarren beharrak identifikatzeko eta hauek hobetzeko aukera izango dugu. Izan ere, sistema fintzea ezinbestekoa da denak egoki funtzionatu dezan”.
Datozen egunetan, “datu esanguratsuenekin” diptikoa banatuko du Udalak etxez etxe, herritarrek ere emaitzen berri izateko.
