Ligako azken partidua galduta zortzigarren bukatu du Hondarribia-Irunek
Hondarribia-Irunek ezin izan zuen miraria eskuratu eta datorren denboraldian ez du Europan jokatuko. Pepelu Mujikaren neskek Ros Casaresen kantxan irabazi behar zuten, eta bere aurkari zuzenen batek galtzea behar zuten, datorren denboraldian Europan jokatzeko aukera eskuratzeko. Bigarren baldintza bete egin zen, izan ere, Ibizak Kanaria Handiaren aurka galdu baitzuen, baina ez lehenengoa, bidasotarrek ez baitzuten Ros Casaresen aurrean inongo aukerarik izan, 91-50 galdu zuten Mujikaren neskek. Honela, Hondarribia-Irunek denboraldia zortzigarren bukatu du eta Europako txapelketaren atetan geratu da. Aukera ez zuten larunbateko azken partiduan galdu, izan ere, Ibiza eta Gironaren aurka ere galdu baitzuten, eta bi talde hauek datorren Eurocup-a jokatuko dute. Bi talde hauen aurkako garaipen bakarrarekin nahikoa izango zuten bidasotarrek, Europarako pasea eskuratzeko. 41 puntuko diferentzia Ligako azken partiduan, Hondarribia-Irunek lehen laurdenean soilik eutsi zion Ros Casaresi, eta 14-10ko markagailura hurbildu ziren azken hamar minututan. Valentziarrak erlaxatzeko itxaropenarekin aurrera egin nahi izan zuten bidasotarrek, izan ere, hauek ez zuten ezer jokoan, baina bigarren laurdenean bertakoak nagusi izan ziren. Honela, beste behin, Valentziako Douglas, Brunson eta Lawson menderaezinak izan ziren. Pepelu Mujikaren taldeak 15 puntugatik galtzen zuen atxedenaldian, 39-24ko markagailuarekin, eta bigarren zatia gogorrago joan zen. 41 puntuko diferentziarekin bukatu zuten azkenean partidua, 91-50. Burgin eta Ferragut, denboraldia maila [...]
Hondarribia-Irunek ezin izan zuen miraria eskuratu eta datorren denboraldian ez du Europan jokatuko. Pepelu Mujikaren neskek Ros Casaresen kantxan irabazi behar zuten, eta bere aurkari zuzenen batek galtzea behar zuten, datorren denboraldian Europan jokatzeko aukera eskuratzeko. Bigarren baldintza bete egin zen, izan ere, Ibizak Kanaria Handiaren aurka galdu baitzuen, baina ez lehenengoa, bidasotarrek ez baitzuten Ros Casaresen aurrean inongo aukerarik izan, 91-50 galdu zuten Mujikaren neskek.
Honela, Hondarribia-Irunek denboraldia zortzigarren bukatu du eta Europako txapelketaren atetan geratu da. Aukera ez zuten larunbateko azken partiduan galdu, izan ere, Ibiza eta Gironaren aurka ere galdu baitzuten, eta bi talde hauek datorren Eurocup-a jokatuko dute. Bi talde hauen aurkako garaipen bakarrarekin nahikoa izango zuten bidasotarrek, Europarako pasea eskuratzeko.
41 puntuko diferentzia
Ligako azken partiduan, Hondarribia-Irunek lehen laurdenean soilik eutsi zion Ros Casaresi, eta 14-10ko markagailura hurbildu ziren azken hamar minututan. Valentziarrak erlaxatzeko itxaropenarekin aurrera egin nahi izan zuten bidasotarrek, izan ere, hauek ez zuten ezer jokoan, baina bigarren laurdenean bertakoak nagusi izan ziren. Honela, beste behin, Valentziako Douglas, Brunson eta Lawson menderaezinak izan ziren.
Pepelu Mujikaren taldeak 15 puntugatik galtzen zuen atxedenaldian, 39-24ko markagailuarekin, eta bigarren zatia gogorrago joan zen. 41 puntuko diferentziarekin bukatu zuten azkenean partidua, 91-50. Burgin eta Ferragut, denboraldia maila handian bukatu dute, eta partiduko onenak izan ziren, 25 puntu lortu zituzten bien artean.
Titulua eskuratzeko borroka
Titulua eskuratzeko semifinal eta finalak datorren astetan jokatuko dituzte eta Ros Casaresek Perfumerias Avenida, Rivas eta Mann Filterrekin borrokatuko beharko du. Bestalde, Obenasak eta Olesak maila galdu dute, eta bigarren mailara jaitsiko dira.
