H3a berriz jartzeko bilera egin du Udalak Foru Aldundiarekin
Udala Gipuzkoako Foru Aldundiarekin bildu da Oiartzun eta Donostia A-8 autobidetik zuzenean lotzen zituen H3 autobus linea berriz jartzeko eskatzeko. Kaltetutako erabiltzaileen kexak helarazi dizkiete Aldundiko ordezkariei udal ordezkariek, erabiltzail...
Udala Gipuzkoako Foru Aldundiarekin bildu da Oiartzun eta Donostia A-8 autobidetik zuzenean lotzen zituen H3 autobus linea berriz jartzeko eskatzeko. Kaltetutako erabiltzaileen kexak helarazi dizkiete Aldundiko ordezkariei udal ordezkariek, erabiltzaileek bildu dituzten sinaduren berri eman diete eta zerbitzua berriz jartzeko aukera aztertzeko eskatu diete.
Foru Aldundiko arduradunek gaia aztertuko dutela baieztatu diote Udalari eta epe laburrean erantzun bat emango dutela. Udalak zerbitzua mozteak eragin dituen kalteak lehenbailehen konpontzea espero du, kaltetutako oiartzuarren mesedetan. Horretarako, linea berriz ezartzea funtsezkoa izango litzateke.
Duela aste batzuk bildu ziren udal ordezkariak kaltetutako erabiltzaile oiartzuarrekin, izan ere, Ekialdebus martxan jartzearekin batera Oiartzun eta Donostia autobidez zuzenean lotzen zituen linea hori kendu egin baitu Aldundiak. Foru Aldundiaren eta erabiltzaileen artean zubi-lana egiteko konpromisoa hartu zuen Udalak bilera hartan, garraio publikoaren aldeko apustua egitea ezinbesteko ikusten baitu.
