2011/3

Sormen erakusketa izango da etzidamu Mikelazulon

Ikus-entzunezko sormen erakusketa antolatu dute etzidamurako Mikelazulo kultur elkartean. 18:00etatik aurrera Garrotx ibiliko da irudiak moldatzen, eta DJ Carlos Cruz, berriz, soinuarekin.

admin

Jaizkibiak aparkalekuak eta haurrentzako parke bat egingo ditu La Herrera iparraldean, behin-behinean

Gipuzkoako Foru Aldundiak finantzatuta, Jaizkibiak 176 leku dituen aparkalekua eta 1.500 metro koadroko haurrentzako parkea egingo ditu La Herrera iparraldean. Jaizkibia elkarteko Administrazio Kontseiluak atzo egindako bileran erabaki zuen hori. Dena ...

admin

Txikikaiaren lehen urtebetzean, emanaldiak

Duela urtebete, martxoaren 19an, Txikikaia ireki zuten, eta hori ongi ospatzeko hainbat ekitaldi antolatu dituzte datozen egunetarako. Etzi Xurdinen txanda izango da, datorren larunbatean Dr. Kortxearena, eta igandean Tatxin eta Txatxanena.

admin

20 urtez azpiko ipar sektoreko jardunaldia, Lezon

Judo txapelketa garrantzitsua jokatuko dute hurrengo larunbatean Lezoko Bekoerrota kiroldegian. Izan ere, 20 urtez azpiko Espainiako Txapelketako fase bat jokatuko dute bertan, Ipar Sektoreari dagokiona, hain zuzen ere. Fase hori finalaren aurrekoa da....

admin

‘Errautsak’ obrari eman diote Donostia Antzerki saria

Herriko antzerki talde batek parte hartzen du Errautsak ekimenean, eta gaur jakinarazi dutenez, Donosti Antzerki Saria eman diote antzezlan horri. Zehazki, Artedramak, Le Petit Theatre de Pain-k eta Dejabu panpin laborategiak (Errenteria-Orereta) elkar...

admin

Irlandako gatazkari buruzko zikloa antolatu du Basari Foroak

Irlandako preso errepublikanoek Long Kesh espetxean egindako gose grebaren 30. urtemuga betetzen da egunotan, eta urteurrena baliatuz Irlandako gatazka ardatz izango duten bi ekimen antolatu ditu Basari Foroak, beti bezala, hausnarketa eta eztabaida sustatzeko helburuz. Lehenbiziko hitzordua astearterako (hilak 15) jarri dute. Irlandatik Euskal Herrira: gatazkak konpontzeko urratsak eta gakoak izenburupean, Txente Rekondok hitzaldia emango du asteartean Basari elkartean. Analista politikoa da Rekondo, GAINeko (Gabinete Vasco de Analisis Internacional) partaidea, eta Irlandako gatazkan aditua. Solasaldian, “Irlandako gatazka armatua gainditzeko egindako urratsak gogorarazi eta aztertuko ditu Rekondok, Euskal Herrian bizi dugun gatazkarekiko dauden antzekotasunak eta desberdintasunak nabarmenduz”. Bigarren ekimena ostegunean izango da (hilk 17). Hunger filma ikusi ahal izango da Basarin. Steve McQueenek 2008an zuzendutako filma da 1981eko gose greba kontatzen du. Bi ekimenak, 19:00etan dira eta biak, Basari elkartean.

admin

Berdintasun kontseiluaren festa egingo dute bihar

Errenteriako Berdintasun Kontseilua ofizialki aurkeztuko dute bihar, eta horretarako festa antolatu dute. Atzo eman zuen festan egingo dutenaren berri Maite Peña Berdintasun Kontseiluko presidenteak. “Ekitaldi dibertigarri eta parte-hartzailea antolatu dugu herriko hainbat pertsonen eta talderen laguntzarekin”, iragarri zuen Peñak. Besteak beste, kontseiluaren logoa aurkeztuko dute, Mariasun Landa kazetaritza lanen lehen edizioko sariak banatuko dituzte eta horrekin batera, ikuskizuna ere izango da Itzatu elkartean gorputz adierazpena lantzen duten bost emakumerekin. Ekitaldia bi zatitan banatuko da. Lehenengo zatian kalera irtengo dira guztiak. 18:30ean Udaletxetik atera eta ibilbidea egingo dute Niessen kulturguneraino. Ibilbidea musikaz eta dantzaz girotuta egongo da Musika Eskolako trikitilariek, Xenpelar Bertso Eskolako bertsolariek, kantu jirako partaideek, herriko dantzariek eta Ausardi antzerki taldeko kideek parte hartuko dutelako. Bigarren zatia, berriz, barrualdean egingo dute, Errenteria Hiria Kulturgunean. Ekitaldi horretan aurkeztuko dute logoa eta banatuko dituzte Mariasun Landa sariak. Logoa Ainara Lasak egin du, eta berak emango ditu aurrerantzean kontseiluaren irudia izango den logoaren xehetasunak. Mariasun Landa sariari dagokionez, Iñigo Legorburu errenteriarra izan da lehenengo aldi honetako irabazlea. Joxepa Anttoni Aranberriren gaineko kontakizuna egin du Legorburuk kazetaritza sarietarako. Hain zuzen, Errenteria-Oreretari emakumeek egindako ekarpena zen sariaren helburua eta horri jarraitu dio egileak. “Gure herriko bertsogintzan erreferente beharko lukeen emakumea itzalean izan da orain [...]

admin

Mikel Odriozola ibilketaria, Espainiako txapeldun

Mikel Odriozola ibilketari errenteriarra seigarren aldiz Espainiako txapelduna da 50 kilometro ibilketan. Benicassimen (Herrialde Katalanak) jokatutako proban hiru helburu garrantzitsu zituen: seigarrenez txapela janztea, mundu mailan marka ona lortzea...

admin

Jaizkibel mendia ‘Zure abenturaren bila’ programako protagonista

Jaizkibel: Ese desconocido. Sinfonía en piedra Jesus Martinezen dokumentala eskainiko dute aste honetako Zure abenturaren bila ikus-entzunezkoen programan. Martinezen zintak gure etxe ondo-ondoan ditugun paisaia harrigarriak ezagutzera eman nahi ditu,...

admin

Hiru garaipen eskuratu ditu Hondarribia-Irunek jarraian

Denboraldi osoan, Hondarribia-Irunek ez ditu bi garaipen jarraian lortu eta orain iada, hiru dauzka. Bidasoatarrek Extrugasari 60-55 irabazi zieten, baita Vigon Zeltari ere 69-77 eta iragan asteburuan garaipen berria eskuratu zuten, Cajacanariasen aurk...

admin

Lauhaizeta Akordeoi Orkestraren emanaldia, Sevillan

Pasa den larunbatean, hilaren 5an, Lauhaizeta Akordeoi Orkestrak, Coria del Rioko “Santa Maria” abesbatzarekin batera, kontzertu bat eman zuen Sevillako Nuestra Señora de los Dolores elizan. Lauhaizeta Akordeoi Orkestra, Hernani, Irun Mutriku eta ...

admin

Autobusak Ugartemendia Isasaren epaiketarako

Martxoaren 17an Manu Ugartemendia Isasaren kontrako epaiketa hasiko da Parisen eta autobusa antolatu dute hara joateko. Asteazkenean abiatuko da eta ostegunean bueltatu. Izena emateko zerrenda ohiko tokietan egongo da jarrita. Epaiketaren nondik norako...

admin

Eskola Pilotako partidak jokatuko dituzte etzi

Eskola Pilota egitasmoko partidak jokatuko dituzte etzi, Kontzejupeko, Elizalde Eskolako eta Haurtzaro Ikastolako pilotalekuetan, 16:00etatik 17:30ak arte. Gainontzeko erabiltzaileek ezingo dituzte frontoiak erabili ordu horietan.

admin

Xanistebanetako Jai Batzordea, asteartean

Xanistebanetako Jai Batzordearen bigarren bilera asteartean izango da 19:00etan liburutegian. Iazko balorazioan egindako proposamenen harira, aurtengo herriko jaietarako zenbait berritasun planteatu dira. Elkarteei bileratan parte hartzeko deia luzatu ...

admin

Altxorraren bila ariko dira etziko Kale Ekintzan

Altxorraren bila ariko dira etzi herriko 6-12 urteko haurrak, Kale Ekintzan. Gurutze auzoko Bizardia elkartean jarri dute hitzordua, 16:30ean. Eguraldi txarra egiten badu, elkartean bertan geratuko dira eta musika jolasak egingo dituzte.

admin

San Nikolaseko Baluartea berreskuratzen lagunduko du Diputazioak

Gipuzkoako diputatu nagusia, Markel Olano, Hondarribian izan da gaur goizean, eta Aitor Kerejetak, Hondarribiko alkateak, harrera egin dio Udalean. Jarraian, herria bisitatu dute, batez ere, Gune Historikoko proiektuak ikusteko, eta bisitaldian Maria Jesus Aranburu, Kultura eta Euskera diputatua izan da. Olanok azaldu duenaren arabera, Hiriko Gune Historikoa berreskuratzen laguntzen jarraituko du Diputazioak, eta kasu honetan, San Nikolaseko Baluartea berreskuratzeko ere, laguntza eskainiko dute. Azken legealdian Udalak eta Diputazioak izan duten kolaborazio harremana errepasatu dute, eta aurrera begira ere erronka berriak aurkeztu dituzte. Azken urteetako elkarlanak ondorengo fruituak eman ditu: Erreginaren Baluartea, Harresiak, Parrokia eta Kultur Etxea. Bestetik ,”Garraio publikoak aldaketa jasan du Hondarribian, herritarrak oso konten gaude, eta Diputazioak beharrezkoa genuen  laguntza eman digu”, azaldu du Aitor Kerejetak.  Markel Olanok, etorkizunari begira lau erronka aipatu ditu. Lehenengoa kultura arloan, harresiaren berreskuratzea izango litzateke, baita San Nikolaseko baluartea ere. Lanak garatzeko aurrekontu handia beharko da, eta Olanok aurrera eramateko konpromisoa azaldu du. Bigarrena, eskualdeak Gipuzkoako beste hainbat bailarekin daukan desoreka deuseztea da, eta Diputazioaren aldetik oreka mantentzeko lanean jarraituko dutela azaldu du, Teknologi Parkea Zubietara zabalduz. Hirugarrenik, Olanok, garraio publikoa ere azpimarratu nahi izan du, eta Irun eta Hondarribi arteko konexioari dagokionez, tranbia ezartzearen aukera ikusten du egokien eskualderako. Laugarrenik eta azkenik, errepideen gaia izpide, gaintxurizketatik aireportura [...]

admin

Ahotsak ekimenaren baitako mahai-ingurua, gaur

Ahotsak ekimenaren baitako mahai-ingurua egingo dute gaur, 19:30etik aurrera, Irungo Musika Eskolan. Gatazkaren aterabidea, emakumeen ekarpena izenburuarekin mamitu dute solasaldia, eta bertan sei emakumek parte hartuko dute. Honakoak dira: Nekane Alze...

admin

Elkarretaratzea eta bazkaria, presoen alde

Presoen eta iheslarien aldeko elkarretaratzea egingo dute etzi, 12:30ean, Sargian. Ondoren, 13:30ean, bazkaria egingo dute Hazia elkartean, gero argazkia ateratzeko.

admin

Azken Portuko igerilekua itxiko dute etzi

Waterpoloko Eskola Ligako eta Gipuzkoa Openeko partidak etzi jokatuko dituzte Azken Portu kiroldegian, lau zehazki. Horregatik, ohiko erabiltzaileek ezin izango dute bertako igerilekua erabili 15:30etik 22:00etara. Irungo Udaleko Kirol Sailetik jakinar...

admin

Susana Ferreiraren ikasleen lanak

Hilaren 20ra arte Susana Ferreiraren ikasleen lanak ikus daitezke Colon pasealekuko Euskadiko Kutxaren bulegoan jarri duten erakusketan. Astelehenetik larunbatera 18:00etatik 20:30era dago zabalik erakusketa, igandetan, berriz, 11:30etik 13:30era.

admin
Gehiago