Tokiko ekintza plana %18an bete dute lehen bi urteetan
Hondarribiko Udalak 2009an onartu zuen tokiko ekintza plana eta ezarpen maila %18koa izan da lehen bi urte hauetan. Planaren lerro estrategikoak bost urtetarako zehaztu zituen Udalak, eta herritarrak ingurumenari buruzko informazioa jasotzeko, Atzegi ...
Hondarribiko Udalak 2009an onartu zuen tokiko ekintza plana eta ezarpen maila %18koa izan da lehen bi urte hauetan. Planaren lerro estrategikoak bost urtetarako zehaztu zituen Udalak, eta herritarrak ingurumenari buruzko informazioa jasotzeko, Atzegi programa eta Agenda 21eko web gunea jarri ditu martxan.
2009an %11ean bete zuten plana, eta iaz, 2010ean, %7an. Beraz, lehen bi urte hauetan plana %18an bete dute. «Gainontzeko herriekin konparatuz, ezarpen maila baxuagoa izan da, %22,9ko ezarpen mailara iristen diren herriak baitaude. Ondorioz, ezarpen maila ez da guk espero genuena izan, eta beraz, lana egiteke daukagu», argitu du Ion Elizaldek, Ingurumeneko zinegotziak.
7 lerro estrategiko
Zazpi lerro estrategiko ditu Hondarribiko Udaleko tokiko ekintza planak. Hauetatik, irisgarritasuna eta mugikortasuna da gehien bete dena, %36an hain zuzen ere. Beste aldean, bioaniztasuna eta paisaiaren babesa da gutxien bete dena, %8an. «Datozen lau urteotan, lan egiten jarraitu behar dugu, alkateak lidertu duten herrietan ekintza plana handiagoa izan da», bukatu du Elizaldek.
