Kale Nagusiko galtzada harriak konponduko dituzte
Kale Nagusiko galtzada harriak konpontzen hasi dira egunotan, eta ondorioz, astelehenetik Kale Nagusiko trafikoa murriztu egin dute. Bizilagunak eta zamalanetarako ibilgailuak igaro ahal dira soilik, goizeko 7:00etatik eguerdiko 15:00ak arte, eta azken...
Kale Nagusiko galtzada harriak konpontzen hasi dira egunotan, eta ondorioz, astelehenetik Kale Nagusiko trafikoa murriztu egin dute. Bizilagunak eta zamalanetarako ibilgailuak igaro ahal dira soilik, goizeko 7:00etatik eguerdiko 15:00ak arte, eta azken hauentzat ere murrizketak egingo dituzte ibilgailuaren bolumenaren arabera.
Kale Nagusiko galtzada harriak hobetu egingo dituzte, eta lana eskuz egingo dute, hamabost egunez. Egoera okerrenean dauden harrietan lan egingo dute, Udaletxetik gora daudenetan hain zuzen ere. Lehenbizi galtzada harriak garbituko dituzte, eta bukatutakoan, mortero fina botako dute bata bestearekin elkartzeko. Bi egunez hala utziko dute eta gero kale osoa garbituko dute.
Kale berezienetakoa
Hondarribiko Kale Nagusia berezienetakoa da hiriarenzat eta “zoruak oso beharrezkoa du lan hori aspalditik, izan ere galtzada harriak elkarrengandik banatzen ari ziren. Hondarribiko kale berezienetakoa da, eta ahalik eta ondoen kontserbatu behar dugu”, azaldu du aste honetan, Juan Mari Altunak, Zerbitzuetako zinegotziak.
Trafiko aldaketak izango dira: Ateratzeko San Nikolas kaletik igo eta Juan de Laborda aldera egin behar da bira eta lana lehen bait lehen egiteko Kale Nagusiko bizilagunak bakarrik sartu ahal dira, izan ere, eskuz egingo denez, igarotzen den ibilgailu bakoitzeko langileek lana utzi eta igarotzen utzi behar diote.
Lana Urbycolan enpresak egingo du, 12.000 euroko aurrekontuarekin eta hamabost eguneko epea dute lanak bukatzeko.
