Xabier Pombo izango da EBren Pasaiako alkategaia
Gaur aurkeztu du Ezker Batuak (EB) bere alkatetzarako hautagaia: Xabier Pombo. Egungo Pasaiako EBko bozeramailea alderdikidez lagunduta egon da aurkezpenean, tartean Mikel Arana alderdiko koordinatzailea, Arantxa Gonzalez batzar nagusietako ordezkaria ...
Gaur aurkeztu du Ezker Batuak (EB) bere alkatetzarako hautagaia: Xabier Pombo. Egungo Pasaiako EBko bozeramailea alderdikidez lagunduta egon da aurkezpenean, tartean Mikel Arana alderdiko koordinatzailea, Arantxa Gonzalez batzar nagusietako ordezkaria eta Jose Manuel Ferradas Errenteriako zinegotzia. Pomborekin batera osatuko dute zerrenda Izaskun Marmierrek, Aurkene Arizak, Kepa Salaberriak, Nacho Madorran eta Fernado Escobarrek.
Pasaiak Plan Estrategiko bat behar duela iritzi dio Pombok, “erabakitzeko zein bide nahi dugun jarraitu herriaren etorkizunerako”. Pasaia biziberritzearen alde egin du Pombok, baina beti ere herritarren parte hartzearekin.
EBko hautagaiak berretsi du kanpo kaiaren kontra daudela: “Biziberritzeak kaiarekin batera etorri behar du, baina ez ondorio konponezinak eragingo duen kanpo kaiarekin, baizik eta portuko azpiegiturak ongi erabiliz eta horiek modernizatuz”. Errauste-plantaren kontra ere azaldu da, eta atez atekoa defendatuko duela azaldu du.
