Gizon bat atxilotu dute alaba fisikoki eta sexualki erasotzeagatik
Herenegun arratsaldean 48 urteko gizon bat atxilotu zuen Ertzaintzak Pasaian, 21 urteko alaba erasotzea leporatuta. Fisikoki ez ezik, alaba hainbat alditan sexualki erasotzea leporatzen diote atxilotuari. Lehengo asteartean atxilotu zuten gizona, 16:00...
Herenegun arratsaldean 48 urteko gizon bat atxilotu zuen Ertzaintzak Pasaian, 21 urteko alaba erasotzea leporatuta. Fisikoki ez ezik, alaba hainbat alditan sexualki erasotzea leporatzen diote atxilotuari. Lehengo asteartean atxilotu zuten gizona, 16:00etan. Liskarrak entzuten zirela eta, Pasaiako etxe batera joan zen Ertzaintza, eta han zeudela ama-alabak gizona salatu zuten. Bi emakumeek kontatu dutenez, gurasoak liskarrean zebiltzan, eta gizona emakumea erasotzera zihoala, alaba tartean sartu eta aitak erasotu zion. Horrez gain, azken hilabetetan aitak alaba sexualki hainbatetan erasotu duela salatu dute. Alabak kolpeak zituen lepoan eta aurpegian Ertzaintza haien etxera joan zenean, eta ama eta alaba Errenteria-Oreretako zentroan artatu behar izan zituzten. Gero atxilotu zuten gizona. Herrizaingo Sailaren iturriek jakitera eman dutenez, atxilotua atzo goizean eraman zuten epaile aurrera.
