Bisita gidatuaren truke, pintxoa
Errenteriako Turismo Sailak Oarsoaldeko Turismo Departamenduarekin elkarlanean kanpaina berria jarri du martxan herriko taberna eta jatetxeentzat. Horren bidez, San Markoko gotorlekua bisitatzen dutenei (bisita gidatuak izan behar dute) tiket bana eman...
Errenteriako Turismo Sailak Oarsoaldeko Turismo Departamenduarekin elkarlanean kanpaina berria jarri du martxan herriko taberna eta jatetxeentzat. Horren bidez, San Markoko gotorlekua bisitatzen dutenei (bisita gidatuak izan behar dute) tiket bana emango diote gero alde zaharreko tabernaren edo jatetxeren batean San Marko deitutako pintxoa jan dezaten.
Kanpainaren helburua da San Marko gotorlekuan bisita gidatuak egiten dituzten bisitariak herrira jaitsi eta bertako taberna eta jatetxeak ezagutzea: “Herriko komertzioa dinamizatu eta alde zaharra ezagutzera eman nahi dugu, San Markoko gotorlekura bisitari ugari joaten direla aprobetxatuz”. Horrekin batera, diptiko bat aterako dute ekimenarekin bat egiten duten establezimenduak zehazteko. Hala ere, oraindik ez dute esan zeintzuk diren horiek.
Establezimenduren batek parte hartu nahi baldin badu, Oarsoaldeko Turismo Departamenduarekin jarri beharko du harremanetan martxoaren 21a baino lehen (943 49 41 29 telefono zenbakian edota eider[a bildua]oarsoaldea.net posta elektronikoan).
