Aireportuko errepidea bikoizteko zailtasunak ekidin dituzte
Hondarribiko aireportuko errepidea bikoizteko, Amuteko bidegurutzearen eta Hondarribiko herrigunerako sarreraren artean hain zuzen ere, Gipuzkoako Foru Aldundiak, Hondarribiko Udalarekin batera, proiektuaren proposamen berria aurkeztu du. Hainbat oztopo izan dira errepidea bikoizteko hasierako proiektuan, eta moldatu behar izan dute. N-638 errepideak trafiko dentsitate handia dauka, 26.000 ibilgailu igarotzen dira egunean, eta bide segurtasuna handitzeko helburuarekin, errepidea bi lerrotatik lau lerrotara zabalduko dute. Hiru izan dira aurkitutako oztopo nagusiak: lehenik, “Borda-Txiki Petit” etxea eta finka Euskal Herriko Kultura Ondarean katalogatu dute, eta hasierako proiektuan aurreikusita zegoen bezala ezin dute eraitsi orain, bigarrenik, Hondarribiko Aireportuak aireportuko lursailak atxikitzeari ezezkoa ematea, eta hirugarrenik, Irun eta Hondarribia artean trenbide lotura ezartzeko aurreikuspena, oraindik zehaztu gabe dagoena. Oztopoen ondorioz, ezinezkoa zuten hasierako proiektuaren bideragarritasuna eta Foru Aldundiak proposamen berria aurkeztu du. Gaur goizean Hondarribiko Udalean aurkeztu duten irtenbidea bateragarria da “Borda-Txiki Petit” etxea mantentzearekin, Aireportuaren asmoekin eta Irun eta Hondarribia arteko trenbide lotura ezartzeko aurreikuspenarekin. Proposatzen duten irtenbideak “Borda-Txiki Petit” etxea eraistea saihesten du baina ez inguruko lursail batzuk hartu behar izatea. “Eusko Jaurlaritzako Kultura Sailak onartu behar luke lursail batzuk hartu behar izatea, bestela, zati horretan ezinezkoa izango litzateke N-638 errepidea bikoiztea”, azaldu du gaur goizean Eneko Goiak, Bide Azpiegituretako Diputatuak. Aireportuko lursailei dagokienez, proiektu berriarekin ez dira aireportuko lursailak [...]
Hondarribiko aireportuko errepidea bikoizteko, Amuteko bidegurutzearen eta Hondarribiko herrigunerako sarreraren artean hain zuzen ere, Gipuzkoako Foru Aldundiak, Hondarribiko Udalarekin batera, proiektuaren proposamen berria aurkeztu du. Hainbat oztopo izan dira errepidea bikoizteko hasierako proiektuan, eta moldatu behar izan dute. N-638 errepideak trafiko dentsitate handia dauka, 26.000 ibilgailu igarotzen dira egunean, eta bide segurtasuna handitzeko helburuarekin, errepidea bi lerrotatik lau lerrotara zabalduko dute.
Hiru izan dira aurkitutako oztopo nagusiak: lehenik, “Borda-Txiki Petit” etxea eta finka Euskal Herriko Kultura Ondarean katalogatu dute, eta hasierako proiektuan aurreikusita zegoen bezala ezin dute eraitsi orain, bigarrenik, Hondarribiko Aireportuak aireportuko lursailak atxikitzeari ezezkoa ematea, eta hirugarrenik, Irun eta Hondarribia artean trenbide lotura ezartzeko aurreikuspena, oraindik zehaztu gabe dagoena. Oztopoen ondorioz, ezinezkoa zuten hasierako proiektuaren bideragarritasuna eta Foru Aldundiak proposamen berria aurkeztu du. Gaur goizean Hondarribiko Udalean aurkeztu duten irtenbidea bateragarria da “Borda-Txiki Petit” etxea mantentzearekin, Aireportuaren asmoekin eta Irun eta Hondarribia arteko trenbide lotura ezartzeko aurreikuspenarekin.
Proposatzen duten irtenbideak “Borda-Txiki Petit” etxea eraistea saihesten du baina ez inguruko lursail batzuk hartu behar izatea. “Eusko Jaurlaritzako Kultura Sailak onartu behar luke lursail batzuk hartu behar izatea, bestela, zati horretan ezinezkoa izango litzateke N-638 errepidea bikoiztea”, azaldu du gaur goizean Eneko Goiak, Bide Azpiegituretako Diputatuak. Aireportuko lursailei dagokienez, proiektu berriarekin ez dira aireportuko lursailak hartu behar. Trenbide loturari dagokionez, metroa eraiki daiteke errepidea zabaltzeko proiektutik independiente, eta lur azaletik joango den tranbiaren alde egiten bada, bateragarria da ere proposamena.
Errepidea zabaltzeko lehendik zegoen proiektuarekin ondorengo hiru aldaketa egingo dituzte: Lehenik, GI-2134 bidegurutzean biribilgunea kenduko dute eta N-638 errepideari jarraipena eman diote. Honela, “Borda-Txiki Petit” bertan mantenduko dute. Bigarrenik, Aireportura joateko biribilgunea oraingo sarreraraino eramango dute, aparkalekua handitzeko eremuko lursailak hartzea saihestuz. Eta azkenik, Aireportuko sarreraren eta Hondarribiko herrigunearen artean trazatua aldatuko dute, eta batetik, ekialdera dagoen plataforman ez dute jardungo eta bestetik, Hondarribiko sarrerako biribilgunearekin hobetu lotuko dute.
