Allerru-Algeposak hiruna berdindu du etxean, Zalatamborren kontra
Allerru-Algeposak maila handiko talde baten kontra berdintzea lortu zuen pasa den larunbatean: 3-3. Zalatambor Area 99 Lizarrako taldea sailkapenaren goiko aldean kokatuta dago eta orain ddela denboraldi batzuk Zilarrezko Mailan jokatu zuten. Nafarrak izan ziren lehenengo minutuetan baloiaren jabetza zutenak. Hala ere, lezoarrek buelta eman zioten egoera horri eta aukerak sortzen hasi ziren. Lehenengo gola sartu zutenak, baina, nafarrak izan ziren. Lezoarrek baloia galdu zuten eta, kontraerasoan, estreinatu zuten markagailua. Lezoarrek ez zuten amore eman eta aukerak sortzen jarraitu zuten. Ez zuten asmatu eta 0-1eko emaitzarekin joan ziren aldageletara. Bigarren zatia, entretenigarria Lehenengo zatian markagailua lizartarrek bakarrik mugitzea lortu bazuten ere, bigarren zatia bestelakoa izan zen. Guztira bost gol ikusi zituzten Bekoerrota kiroldegira hurbildu ziren zaleek. Zalatamborrek bigarren gola lehenengoaren modu berean sartu zuen: baloia lapurtuta. Azkar asko erantzun zieten lezoarrek, zaleen animoek lagunduta eta euren lehenengo gola lortu zuten. Bigarren zatiaren erdialdean partida nahastu zen. Bi taldeek azkar egin zituzten bost faltak eta, lezoarrak erasoan ari zirela, etxeko jokalari bat kaleratu zuen epaileak. Ez zuten etsi eta bigarren gola sartzea lortu zuten. Penalti bikoitz baten bitartez hiruna berdintzea lortu zuen Allerru-Algeposak, partida bukatzeko minutu gutxi falta zirela. Partida zoratu egin zen eta Zalatamborrek atezain-jokalaria atera zuten, garaipenaren bila joateko. [...]
Allerru-Algeposak maila handiko talde baten kontra berdintzea lortu zuen pasa den larunbatean: 3-3. Zalatambor Area 99 Lizarrako taldea sailkapenaren goiko aldean kokatuta dago eta orain ddela denboraldi batzuk Zilarrezko Mailan jokatu zuten.
Nafarrak izan ziren lehenengo minutuetan baloiaren jabetza zutenak. Hala ere, lezoarrek buelta eman zioten egoera horri eta aukerak sortzen hasi ziren. Lehenengo gola sartu zutenak, baina, nafarrak izan ziren. Lezoarrek baloia galdu zuten eta, kontraerasoan, estreinatu zuten markagailua.
Lezoarrek ez zuten amore eman eta aukerak sortzen jarraitu zuten. Ez zuten asmatu eta 0-1eko emaitzarekin joan ziren aldageletara.
Bigarren zatia, entretenigarria
Lehenengo zatian markagailua lizartarrek bakarrik mugitzea lortu bazuten ere, bigarren zatia bestelakoa izan zen. Guztira bost gol ikusi zituzten Bekoerrota kiroldegira hurbildu ziren zaleek.
Zalatamborrek bigarren gola lehenengoaren modu berean sartu zuen: baloia lapurtuta. Azkar asko erantzun zieten lezoarrek, zaleen animoek lagunduta eta euren lehenengo gola lortu zuten.
Bigarren zatiaren erdialdean partida nahastu zen. Bi taldeek azkar egin zituzten bost faltak eta, lezoarrak erasoan ari zirela, etxeko jokalari bat kaleratu zuen epaileak. Ez zuten etsi eta bigarren gola sartzea lortu zuten. Penalti bikoitz baten bitartez hiruna berdintzea lortu zuen Allerru-Algeposak, partida bukatzeko minutu gutxi falta zirela.
Partida zoratu egin zen eta Zalatamborrek atezain-jokalaria atera zuten, garaipenaren bila joateko. Etxekoek baloia lapurtzen zietenean aukerak sortzen zituzten eta falta bidez gelditu behar izan zituzten. Epaileek ez zituzten adierazi eta zaleak haserrarazi zituzten. Bi minuturen faltan penalti-bikoitza adierazi zuen etxekoen alde, baina huts egin zuten. Azkenean, puntu bana.
Hemezortzi punturekin
Allerru-Algeposa hamabigarren postuan dago, hemezortzi punturekin. Asteburu honetan Sestaon jokatuko dute.
