Asteburu kaskarra herriko futbol taldeentzat
Erdipurdiko jardunaldia izan da asteburu honetakoa Erregional Preferente mailako herriko taldeentzat: Touringek galdu egin du eta Beti Onak, berriz, berdindu. Sailkapenaren zuloan sartuta dabilen Irun 1902 taldea zeukan aurrez aurre Touringek etxetik k...
Erdipurdiko jardunaldia izan da asteburu honetakoa Erregional Preferente mailako herriko taldeentzat: Touringek galdu egin du eta Beti Onak, berriz, berdindu. Sailkapenaren zuloan sartuta dabilen Irun 1902 taldea zeukan aurrez aurre Touringek etxetik kanpo. Hasiera batean irabazteko moduko partida zirudien arren, azkenean nabarmen nagusitu ziren irundarrak 3-1eko emaitzarekin. Gauza positibo bakarra aurkari zuzenak ere ez direla fin ibili izan da. Horrenbestez, toki berean jarraitzen dute errenteriarrek sailkapenean, laugarren.
Beti Onak partida zailagoa zeukan printzipioz beste talde irundar baten kontra: Dunboa-Eguzki. Helburu ezberdinak zituzten bi taldeek: errenteriarren helburua mailari eustea da eta irundarrena, berriz, mailaz igotzea. Azkenean ez batak ez besteak ez zituzten hiru puntuak poltsikoratu, 0-0ko emaitzarekin amaitu baitzen partida. Lortutako puntuarekin hamabigarren tokian dago Beti Ona 28 punturekin eta jaitsiera postuak zazpi puntura ditu.
