La Herrera Herriraren proposamenari bultzada emateko jaia egingo dute hilaren 19an
La Herrera zonaldea antolatzeko La Herrera Herrira batzordeak egin duen proposamena herritarren artean sustraitzeko jaia egingo dute hilaren 19an Trintxerpen. Horrez gain, Pasaiako lau barrutietan proposamenaren nondik norakoak zabaltzeko lanean jarraituko dutela jakinarazi dute batzordeko ordezkariek. Atzo Trintxerpen egin zuten agerraldian eman zituzten xehetasun horiek. Otsailaren 19an hasi zuen La Herrera Herrirak herritarren proposamenari atxikimenduak biltzeko prozesua. Hala, asteburu honetatik aurrera, Pasaiako denda eta taberna guztietan dokumentua ikusgai jarriko dutela iragarri dute batzordeko kideek, nahi duenak bere atxikimendua egin diezaion proposamenari. Udalerriko elkarte, talde eta eragileekin ere jarraituko dute proposamen horren gaineko informazioa ematen. Batzordekoek, proposamenaren aldeko “herritarren uholdea” biltzea dute helburu, “La Herrera Pasaiako herritarrok zehaztu eta definitu dugun bezala antolatzeko”. Hala, “bere buruaz harro egongo den herria” nahi dute batzordekoek, “batez ere, herritar guztion artean eraiki dugulako proposamena. Zu katearen maila bat gehiago zara: zatoz gurekin lelo arrakastatsua indartu nahi dugu”. Hilaren 19ko jaia La Herrera Herrirako kideek jakinarazi dute hilaren 19ko jaia antolatzeko garaian herriko elkarteetara eta erakundeetara jo dutela, eta horien ekarpenarekin osatu dutela egitaraua. Honakoa da: 10:30ean. Diana. 11:00etan. Erraldoien kalejira. 11:30ean. Haurrentzako tailerrak. 13:30ean. Musika eta txaranga Trintxerpetik zehar. 17:00etan. Pasaiako erakundeen jardueraren erakustaldia. 18:25ean. Zarata ateratzea. La Herrera antolatzeko herritarren proposamenaren aurkezpena. Musika, [...]
La Herrera zonaldea antolatzeko La Herrera Herrira batzordeak egin duen proposamena herritarren artean sustraitzeko jaia egingo dute hilaren 19an Trintxerpen. Horrez gain, Pasaiako lau barrutietan proposamenaren nondik norakoak zabaltzeko lanean jarraituko dutela jakinarazi dute batzordeko ordezkariek. Atzo Trintxerpen egin zuten agerraldian eman zituzten xehetasun horiek.
Otsailaren 19an hasi zuen La Herrera Herrirak herritarren proposamenari atxikimenduak biltzeko prozesua. Hala, asteburu honetatik aurrera, Pasaiako denda eta taberna guztietan dokumentua ikusgai jarriko dutela iragarri dute batzordeko kideek, nahi duenak bere atxikimendua egin diezaion proposamenari. Udalerriko elkarte, talde eta eragileekin ere jarraituko dute proposamen horren gaineko informazioa ematen. Batzordekoek, proposamenaren aldeko “herritarren uholdea” biltzea dute helburu, “La Herrera Pasaiako herritarrok zehaztu eta definitu dugun bezala antolatzeko”. Hala, “bere buruaz harro egongo den herria” nahi dute batzordekoek, “batez ere, herritar guztion artean eraiki dugulako proposamena. Zu katearen maila bat gehiago zara: zatoz gurekin lelo arrakastatsua indartu nahi dugu”.
Hilaren 19ko jaia
La Herrera Herrirako kideek jakinarazi dute hilaren 19ko jaia antolatzeko garaian herriko elkarteetara eta erakundeetara jo dutela, eta horien ekarpenarekin osatu dutela egitaraua. Honakoa da:
10:30ean. Diana.
11:00etan. Erraldoien kalejira.
11:30ean. Haurrentzako tailerrak.
13:30ean. Musika eta txaranga Trintxerpetik zehar.
17:00etan. Pasaiako erakundeen jardueraren erakustaldia.
18:25ean. Zarata ateratzea.
La Herrera Herrira, giza katea
La Herrera antolatzeko herritarren proposamenaren aurkezpena. Musika, prozesua nola joan den agertzen duen bideoa, proposamenaren zehaztasunekin ikus-entzunezkoa eta hitzaldia izango dira. Ondoren, danborraden erakustaldia izango da.
