Txirrita plazaren egoera tamalgarritzat jo du EBk
Txirrita plazak duen egoera “tamalgarria” salatu du Ezker Batuak: “Aisialdi gunea izan behar zuena erabat utzita daukate Udal ordezkariek”. Euria egiten duen egunetan lehengo Onbide zinemen orubea lokatzez betetzen dela jakinara...
Txirrita plazak duen egoera “tamalgarria” salatu du Ezker Batuak: “Aisialdi gunea izan behar zuena erabat utzita daukate Udal ordezkariek”. Euria egiten duen egunetan lehengo Onbide zinemen orubea lokatzez betetzen dela jakinarazi du. Horrez gain, plaza “aparkaleku probisionala” bihurtu dela adierazi dute, eta gorotz urak botatzen dituzten hodiak ere aurki daitezkeela. Horrenbestez, Udalak plaza zabaltzeko proiektuari uko egin diola uste du.
Horrez gain, haurrentzako parkearen egoeraz ere ohartarazi du: “Txirristara igotzeko eskailerak falta dira”.
Oro har, plaza abandonatuta dagoela adierazi du EBk, eta bankuak aldatu eta belarra moztu behar dela esan du. Clara Campoamor eta Vicente Vadillo Francis-en omenezko monolitoak ere nekez ikus daitezkeela jakinarazi du. Horrenbestez, Udalari plaza zaintzeko eskatu dio.
