Europara begira jarri dira saskibaloiko neskak
Emakumezkoen Saskibaloi Liga inoiz baina berdindutagoa dago aurten, izan ere, Hondarribia-Irun, duela bi aste jaitsiera postuetatik ateratzeko borrokatzen zebilen, eta orain aldiz, Europako postuetara begira dago. Azkeneko bi partiduak irabazi dituzte bidasoatarrek, eta liga bukatzeko sei jardunaldi falta diren une honetan, jaitsiera postuetatik lau garaipenetara daude eta Europatik bira. Europan jokatzeko aukera eskuratzea poztasun handia izango litzateke etxeko taldearentzat. Larunbatean Cajacanariasen aurka jokatuko dute Hondartzan, eta puntu berdinekin daude bi taldeak sailkapen orokorrean. Arratsaldeko 19:00etatik aurrera bi taldeetako bat Europako txapelketan sartzeko borrokatik kanpo geratuko da, eta besteak helburua lortzeko lehiatzen jarraitzeko aukera izango du. Urtea hasi denetik, Hondartzan jokatu dituzten hiru partiduak irabazi dituzte, eta lehenengo lauetako hiru talderi aurre egin diete iada. Vigon ere, 69-77 irabaztea lortu zuten. Ez zen partidu erraza izan, Vigoko Zelta larri ibili baita azken denboraldian, eta irabaztera atera ziren. Pepelu Mujikak, Hondarribia-Iruneko entrenatzaileak gogoratu duenez, «kontzentratuta eta saskiratzeak asmatzen atera ziren kantxara, ondo defendatu genuen baina Zeltari dena sartzen zitzaion». Atxedenaldira lau puntuko desabantailarekin iritsi ziren, eta partiduak irekita jarraitzen zuen. Hirugarren laurdenean fin aritu ostean, 60-59ko markagailuarekin hasi zuten azkeneko laurdena, eta presioan lan eginda, 69-77 garaitzea lortu zuten. Orain mailan jarraitzeko puntuak eskuratuta, helburu berria dauka Hondarribia-Irunek esku artean: Europa. Datorren [...]
Emakumezkoen Saskibaloi Liga inoiz baina berdindutagoa dago aurten, izan ere, Hondarribia-Irun, duela bi aste jaitsiera postuetatik ateratzeko borrokatzen zebilen, eta orain aldiz, Europako postuetara begira dago. Azkeneko bi partiduak irabazi dituzte bidasoatarrek, eta liga bukatzeko sei jardunaldi falta diren une honetan, jaitsiera postuetatik lau garaipenetara daude eta Europatik bira. Europan jokatzeko aukera eskuratzea poztasun handia izango litzateke etxeko taldearentzat.
Larunbatean Cajacanariasen aurka jokatuko dute Hondartzan, eta puntu berdinekin daude bi taldeak sailkapen orokorrean. Arratsaldeko 19:00etatik aurrera bi taldeetako bat Europako txapelketan sartzeko borrokatik kanpo geratuko da, eta besteak helburua lortzeko lehiatzen jarraitzeko aukera izango du. Urtea hasi denetik, Hondartzan jokatu dituzten hiru partiduak irabazi dituzte, eta lehenengo lauetako hiru talderi aurre egin diete iada. Vigon ere, 69-77 irabaztea lortu zuten.
Ez zen partidu erraza izan, Vigoko Zelta larri ibili baita azken denboraldian, eta irabaztera atera ziren. Pepelu Mujikak, Hondarribia-Iruneko entrenatzaileak gogoratu duenez, «kontzentratuta eta saskiratzeak asmatzen atera ziren kantxara, ondo defendatu genuen baina Zeltari dena sartzen zitzaion». Atxedenaldira lau puntuko desabantailarekin iritsi ziren, eta partiduak irekita jarraitzen zuen. Hirugarren laurdenean fin aritu ostean, 60-59ko markagailuarekin hasi zuten azkeneko laurdena, eta presioan lan eginda, 69-77 garaitzea lortu zuten.
Orain mailan jarraitzeko puntuak eskuratuta, helburu berria dauka Hondarribia-Irunek esku artean: Europa. Datorren partidua bihar izango dute arratsaldeko 19:00etatik aurrera Hondartzan, Cajacanariasen aurka.
