Iban Angulo lezoarrak irabazi du Berrioplano herriko txakurkrosa
Nafarroako Berrioplano herrian Txakurkrosa Oarsoaldea taldeko Iban Angulo lezoarrak irabazi du. Larunbatean eta igandean izan ziren lasterketak Berrioplanon. Larunbateko proban bigarren izan zen Angulo, eta igandean proba irabazi zuen. Bi egunetako ema...
Nafarroako Berrioplano herrian Txakurkrosa Oarsoaldea taldeko Iban Angulo lezoarrak irabazi du. Larunbatean eta igandean izan ziren lasterketak Berrioplanon. Larunbateko proban bigarren izan zen Angulo, eta igandean proba irabazi zuen. Bi egunetako emaitzak batuz, lehen postua lortu zuen Angulok.
Burgosen, eskualdeko ordezkaritza zabala
Eskualdeko korrikalarien partaidetza handiagoa izan zen Burgosko Covarrubias herriko I. Txakurkrosean. Han, guztien artean azkarrena, Juanmari Lujanbio izan zen. Bubus txakurrarekin bigarren postua lortu zuen sanjuandarrak, Beteranoen Mailan. Sailkapen nagusian zazpigarren postua lortu du Lujanbiok. Beteranoen Mailan baita ere, Txakurkrosa Oarsoaldean taldeko Txarli Perez hamaikagarren postuan sailkatu zen.
Txakurkrosa Oarsoaldean taldeko Eneko Agirrek lortu zuen hirugarren postua Seniorren Mailan eta Maila berean Jon Pillado errenteriarra hamaikagarrena izan zen.
Herri lasterketan, azkenik, 13 urteko Jon Perez hirugarren izan zen, eta Elena Diez oiarzuarra 22. postuan sailkatu zen.