Gaur ireki dute Bizirik Enpresa gunea Puntal auzoko Hendaia kaleko 10. zenbakian. Bertan izan dira Gobernuak Espainian duen delegatua Mikel Cabieces, Aitor Kerejeta Hondarribiko alkatea, Goizane Alvarez eta Maribel Lorenzo, Bidasoa Bizirikeko presidente eta zuzendaria. Hauez gain, Hondarribiko eta Irungo Udaleko zenbait zinegotzi ere hurbildu dira inaugurazio ekitaldira. Obra Hondarribiko Udalak Puntala auzoan daukan lokal bat birgaitzea izan da bertan enpresagunea egiteko, aurrrekontua 193.000 eurokoa izan da eta 2010eko Plan E-aren bidez egin ahal izan da. Construcciones Urbe enpresa izan da Puntaleko Enpresagunerako lokala prestatzeko obren arduraduna. «Asmoa hauxe da: Enpresagunea Bidasoa Bizirik erakundeak kudeatzea, eta horrenbestez garapen agentziak aukeratzea gune honetan proiektuak martxan jarriko diren proiektuak. Guretzat erronka zen Hondarribian honelako azpiegitura bat izan ahal izatea hondarribiar ekintzaileentat; irundarrentzat ere bada, eskualdekoa baita» azaldu du Aitor Kerejetak, Hondarribiko alkateak. Lokalen banaketa eman beharreko zerbitzuaren beharren arabera egin dute; garrantzitsuena bost bulego ezartzea zen, hain zuzen ere, sortzen ari diren enpresa txikiei zerbitzua eskaintzeko. Lokal osoa estali egin dute akustika isolatzeko, ezarri beharreko araudiak betez. Eta kanpoko arotzerian akustika isolamendua hobetzeko beirak jarri dituzte. Bestetik, kontsumo txikiko berogailuak ezarri dituzte; banaka programatzen dira, eskaera eta kontsumoa kontrolatzeko. Enpresaguneak 6 lokal ditu: 4 lokal duela gutxi sortutako enpresak kokatzeko, lokal bat Mondragon Unibertsitateko Bidasoako [...]
Gaur ireki dute Bizirik enpresa gunea, Puntal auzoko Hendaia kaleko 10. zenbakian. Bertan izan dira Espainiako Gobernuak Gipuzkoan duen delegatua, Mikel Cabieces, Aitor Kerejeta Hondarribiko alkatea, Goizane Alvarez eta Maribel Lorenzo, Bidasoa Bizirik-eko presidente eta zuzendaria. Horiez gain, Hondarribiko eta Irungo Udaleko zenbait zinegotzi ere hurbildu dira inaugurazio ekitaldira. Obra Hondarribiko Udalak Puntala auzoan daukan lokal bat birgaitzea izan da bertan enpresa gunea egiteko, aurrrekontua 193.000 eurokoa izan da eta 2010eko Herri Inbertsiorako Espainiako Gobernuan Funtsaren (E Plana bezala ezagunagoa) bidez egin ahal izan da. Construcciones Urbe enpresa izan da Puntaleko enpresa gunerako lokala prestatzeko obren arduraduna.
«Asmoa honakoa da: enpresen gunea Bidasoa Bizirik erakundeak kudeatzea, eta horrenbestez garapen agentziak aukeratzea gune honetan proiektuak martxan jarriko diren proiektuak. Guretzat erronka zen Hondarribian honelako azpiegitura bat izan ahal izatea hondarribiar ekintzaileentat; irundarrentzat ere bada, eskualdekoa baita» azaldu du Aitor Kerejetak, Hondarribiko alkateak. Lokalen banaketa eman beharreko zerbitzuaren beharren arabera egin dute; garrantzitsuena bost bulego ezartzea zen, hain zuzen ere, sortzen ari diren enpresa txikiei zerbitzua eskaintzeko. Lokal osoa estali egin dute akustika isolatzeko, ezarri beharreko araudiak betez. Eta kanpoko arotzerian akustika isolamendua hobetzeko beirak jarri dituzte. Bestetik, kontsumo txikiko berogailuak ezarri dituzte; banaka programatzen dira, eskaera eta kontsumoa kontrolatzeko.
Enpresen guneak sei lokal ditu: lau lokal duela gutxi sortutako enpresak kokatzeko, lokal bat Mondragon Unibertsitateko Bidasoako Campuseko ikasleek dituzten enpresak sortzeko proiektuetarako, eta areto bat batzar, formazio eta bileretarako. «Zentro honen helburua» gehitu du Maribel Lorenzok, Bidasoa Bizirikeko zuzendariak «enpresa bat sortu berri dutenentzat eta negozio bat jarri nahian dabiltzan unibertsitarioentzat azpiegitura bat egitea da, baita haiei aholkularitza eta formazioa ematea ere. Enpresak gehienez hiru urtez egongo dira zentroan, epe hori da enpresa proiektua lantzeko behar dena, eta alokairu kontratua izango dute, prezio onean. Hiru urte igarotakoan beste enpresak kokatu ahal izango dira ».
Bizirik Enpresa Gunea puntalak, hasieran enpresa hauek hartuko ditu bere baitan: Lehenik, Sionstudio, irudi birtualak edo 3Dak sortzea: 3 dimentsioko ilustrazioak, infografiak eta animazioak landuko dituena, bigarrenik, Balmes Expertise Konsulting, enpresa txiki eta ertainak aholkatu eta laguntzeko formazio aditua eta kontsultoretza zerbitzua, hain zuzen ere haien negozioa nazio mailan eta nazioartean garatzeko, eta antolaketa eta informatika alorrak hobetzen ibiliko dena, hirugarrenik, Enerfinor, energia eraginkortasunarekin zerikusia duten zerbitzuak, profesional eta partikularrei zuzenduak eskainiko dituena eta azkenik, Batikbat informatika, informatika aholkularitza, formazioa eta euskarri teknikoa landuko duena.
