Aurrekontuei babesa eman die Pasaiako EAk
Pasaiako Eusko Alkartasunak (EA) begi onez jaso du Gobernu Taldeak landu duen 2011rako aurrekontuen proposamena. Krisiaren baitan kokatu dute proposamena, eta nabarmendu dute lau barrutietarako inbertsioak mantenduko direla, gizarte alorreko gastua ez ...
Pasaiako Eusko Alkartasunak (EA) begi onez jaso du Gobernu Taldeak landu duen 2011rako aurrekontuen proposamena. Krisiaren baitan kokatu dute proposamena, eta nabarmendu dute lau barrutietarako inbertsioak mantenduko direla, gizarte alorreko gastua ez dela jaitsiko eta ohiko gastuen atala murriztuko dutela, besteak beste, politikoen soldatak eta liberazioak egokituz.
Pasaiako Udalaren baliabide ekonomikoak «urriak» direla onartu dute Pasaiako EAko kideek. Baina Gobernu Taldea «pasaitar guztion alde egiten ari den lana» era positiboan baloratu dute, «bereziki bultzatzen ari diren herritarren parte-hartzea». Udalak beste erakundeetatik «oztopoak» jasan dituela ere esan dute EAtik.
Proposamena
Aurrekontu proposamenari oniritzia emateaz gain, horietarako ekarpena ere egin dute EAtik: aurrekontua orekatzeko aurreikusi den 594.913 euroko mailegua eskatu aurretik, beste aukera batzuk aztertzearen aldeko apustua egingo lukete.
