Erreginek kenduko diete protagonismoa Errege Magoei gaur gauean. Behintzat, Errenteria-Oreretan, eta zehazki, Landare elkartean. Erregeak lanean ari diren bitartean, erreginek festa giroa jarriko dute tabernan hara hurbiltzen diren denek gauaz goza dezaten. Izan ere, erregeena baino Erreginen Gaua izango da gaurkoa. Eta ez dira nolanahiko erreginak bilduko Landaren. Taularatuko diren izar guztietan distiratsuenak Yogurinha Borova eta La Prohibida izango dira. Horiekin batera La Kortxos eta Bielorrusiarrek parranda giroa jarriko dute gauerditik goizaldera arte. Gaua osorik igarotzeko, baina, indarrak hartu behar izaten dira, eta horretan ere pentsatu dute antolatzaileek. Beraz, afariarekin hasiko da festa. 21:30ean jarri dute hitzordua, eta hara joan nahi duenak 12 euroan lor ditzake sarrerak Landare elkartean bertan. Mirenkendutik erreginetara Batik bat herriko gay-en eta lesbianen mugimendua dabil Erreginen Gaua antolatzen, eta iaz sortu zitzaien lehenengo aldiz egiteko aukera. Aurretik, baina, antzeko beste ekimenak ere egin dituzte, eta horien artean ezagunena Mirenkenduen Jaia da. Herria, baina, txiki geratu zitzaien eta Donostiako Doka antzokira eraman behar izan zuten. Guztia duela bost urte Santi Vicente Altxu (herriko gay eta lesbianen mugimenduaren sustatzaile nagusienetakoa) hil ostean hasi zen mugitzen. Altxuren omenezko jaia antolatu zuten, eta hortik etorri ziren beste jaiak. Erreginen Gaua erregeen gauari kontrajartzen zaio. Antolatzaileen arabera, herritar guztien alde [...]
Erreginek kenduko diete protagonismoa Errege Magoei gaur gauean. Behintzat, Errenteria-Oreretan, eta zehazki, Landare elkartean. Erregeak lanean ari diren bitartean, erreginek festa giroa jarriko dute tabernan hara hurbiltzen diren denek gauaz goza dezaten. Izan ere, erregeena baino Erreginen Gaua izango da gaurkoa.
Eta ez dira nolanahiko erreginak bilduko Landaren. Taularatuko diren izar guztietan distiratsuenak Yogurinha Borova eta La Prohibida izango dira. Horiekin batera La Kortxos eta Bielorrusiarrek parranda giroa jarriko dute gauerditik goizaldera arte.
Gaua osorik igarotzeko, baina, indarrak hartu behar izaten dira, eta horretan ere pentsatu dute antolatzaileek. Beraz, afariarekin hasiko da festa. 21:30ean jarri dute hitzordua, eta hara joan nahi duenak 12 euroan lor ditzake sarrerak Landare elkartean bertan.
Mirenkendutik erreginetara
Batik bat herriko gay-en eta lesbianen mugimendua dabil Erreginen Gaua antolatzen, eta iaz sortu zitzaien lehenengo aldiz egiteko aukera. Aurretik, baina, antzeko beste ekimenak ere egin dituzte, eta horien artean ezagunena Mirenkenduen Jaia da. Herria, baina, txiki geratu zitzaien eta Donostiako Doka antzokira eraman behar izan zuten.
Guztia duela bost urte Santi Vicente Altxu (herriko gay eta lesbianen mugimenduaren sustatzaile nagusienetakoa) hil ostean hasi zen mugitzen. Altxuren omenezko jaia antolatu zuten, eta hortik etorri ziren beste jaiak.
Erreginen Gaua erregeen gauari kontrajartzen zaio. Antolatzaileen arabera, herritar guztien alde femeninoa sustatu nahi du batetik, eta bestetik, “monarkiaren kontrako keinua” da.
Aurtengo jaiak ere ez ditu bi osagai horiek faltako, baina plater osoa beste osagai batzuekin biribilduko da: musika, giro ona, festa, alaitasuna eta noski, transformismoa.
Izan ere, protagonista guztiak transformistak izango dira. Horietan ezagunenak Eduardo Gabiña Yogurinha Borova eta Luis Herrero La Prohibida dira. Bi artistak polifazetikoak dira. Yogurinha Borova aktorea da, argazkilaria eta musikaria. Hain zuzen, DJ lanetan ariko da gaur gauean DJ 2ttorrekin batera. Antolatzaileen arabera, batik bat Interneten lortu du fama, eta horrek Ander filma Berlinen aurkeztu zutenean animatzaile bezala aritzeko aukera eman zion. Hori gutxi balitz, Placeboren eta U2ren produktorearekin batera ere lan egin du.
La Prohibida, berriz, Europan eta Hego Amerikan ezaguna da musikari bezala. Madrileko tabernetan hasi zen emanaldiak egiten, eta egun Fangoriaren teloneroa da. Dagoeneko bi disko atera ditu (Flash eta Señor Kubrick ¿qué haría usted?) eta besteak beste, Txilen eta Mexikon aurkeztu ditu.
Gaueko beste izarrak, berriz, herrikoak dira: La Kortxos (antolatzaileen arabera, «tranformismo amateurra» egiten du) eta Bielorrusiarrak (“gatz gehiagorekin”; bertsioak egiten dituzte). Nerea Izagirre ibiliko da aurkezle lanetan.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
