Jaialdi solidarioa egingo dute gaur Hondarribiko Jostaldi pilotalekuan
Hirugarren urtez jarraian, Jai Alivek eta Hondarribiko Pilota Eskolak bat egin dute eta jaialdi solidarioa antolatu dute Taupadak GKE-aren onurarako. Jaialdia gaur arratsaldeko 19:00etatik aurrera izango da, eta Euskal Telebistak emana izango da, Frontoi Luzea saioan, gaur gauean. Sarrerak bost euro kostatuko dute. Partidua hasi baina lehen, arratsaldeko 18:00etatik aurrera, pilota eskolako kirolari gazteenek lehenik, eta jarraian helduek, erakustaldia emango dute.
Taupadak-eko presidente den Fernando De la Herak, azaldu duenez, «Jai Alive, Pilota Eskola eta Udalaren laguntza eskertzen dugu. Data hau egutegian finkatzea interesgarria da, eta GKE-arentzat bilketa ez da garrantzitsuena, izan ere, gure lana ezagutzen eta kolaboratzen duten lagun kopurua handitzea dugu helburu nagusi». Honekin batera, De la Herak gogoratu nahi izan zuen, erakundearen 2011ko egutegiak ere salgai jarriko dituztela. Egutegia San Ignacio de Moxos musika eskolari eskaini diote.
