Herriko kirolariak omenduko dituzte etzi, Kirolaren Gauean
Urtean egindako lana goraipatzeko eta, urtea ongi amaitzeko, herriko kirolariak eta taldeak omenduko dituzte Kirolaren Gauean. Etzi izango da, 19:30ean aurrera, Errenteria Hiria Kulturguneko entsegu gelan, bigarren solairuan. Jose Angel Rodriguez Udal ...
Urtean egindako lana goraipatzeko eta, urtea ongi amaitzeko, herriko kirolariak eta taldeak omenduko dituzte Kirolaren Gauean. Etzi izango da, 19:30ean aurrera, Errenteria Hiria Kulturguneko entsegu gelan, bigarren solairuan.
Jose Angel Rodriguez Udal Kirol Patronatuko presidenteak eman ditu Kirolaren Gauaren gaineko xehetasunak. Omenaldi xumea izango da, eta bertan, herriko talde guztiak eta modalitate guztiak ordezkatuta egongo direla jakinarazi du.
Rodriguezek nabarmendu du beharra zegoela kirolari eta talde horiei keinu bat egiteko, irabazi asmorik gabe egunero-egunero egiten duten lanarengatik.
Jende ugari biltzea espero dute ehundik gora lagun. Izan ere, ordezkari sare zabala biltzea espero dute, elkarte eta kirolariez gain, kirolean boluntarioki lana egiten dutenak, herriko hezkuntza zentroak (Eskola Kirola) eta kultur elkarteak ordezkatuta izango dira.
Hain zuzen, garbi utzi nahi izan du Rodriguezek aipamena guztiei egingo zaiela, eta ez maila indibidualean: “Espainiako txapeldunak, Europako txapeldunak, paraolinpikoak, olinpikoak… ditugu herrian, baina lehenengo gala denez, orokorrean omentzea erabaki dugu, guztiek merezi baitute”.
Irudi korporatibo berria, Udal Kirol Patronatuak
Gala horretan bi proiekzio egingo dituzte, batean Errenteria-Oreretak dituen kirol instalazioak eta zerbitzuak behatuko dituzte, eta bestean, berriz, Udal Kirol Patronatuak urtarriletik aurrera izango duen irudi korporatiboa aurkeztuko dute. Ondoren, lunch-a ere izango da.
