Albaola elkarteak Itsas Jardunaldiak antolatu ditu Itsasontzia, Ontzigintza eta Basoak izenburupean. Jardunaldiak bihar, hilak 14, hasiko dira eta larunbata bitarte iraungo dute. Xabier Agote Albaolako arduradunak emango dio irteera jardunaldiei. 15:00...
Albaola elkarteak Itsas Jardunaldiak antolatu ditu Itsasontzia, Ontzigintza eta Basoak izenburupean. Jardunaldiak bihar, hilak 14, hasiko dira eta larunbata bitarte iraungo dute.
Xabier Agote Albaolako arduradunak emango dio irteera jardunaldiei. 15:00etan aurkezpen ekitaldia egingo du, San Pedroko Ondartxon. Plaza kopuru mugatua denez, aldez aurretik erreserba egitea gomendatu dute. Horretarako, albaola@albaola.com helbidera idatzi behar da edo 943 39 24 26 telefono zenbakira deitu. Ostegunean, hilaren 16an, Oihanetik Itsasora dokumentalaren aurkezpena egingo dute, 19:00etan Ondartxon.
Hitzaldia eta bertso ekimena
Ostiralean Ipinabarra, historia eta teknika hitzaldia emango dute Jakoba Errekondok, Alvaro Aragonek eta Mikel Leozek. Arratsaldeko zazpietatik aurrera, Ondartxon bertan, basoen historiaren eta teknikaren gaineko ezohiko ikuspegia emango dute hiru adituek.
Jardunaldiei bukaera emateko, 12:00etan, Itsas Ondarea Bertsoz Bertso bertso ekimena izango da. Ondartxon gordetako ontzien historia eta istorioak kontatuko dituzte, eta Jon Maia eta Amets Arzallus bertsolariek kontakizun horietan oinarrituta bertsoak botako dituzte.
