Eskualdeko arraun elkarteek emaitza onak eskuratu zituzten joan den astebukaeran Tolosan egindako Batelen Federazioa Torneoan. Mutilen Kadeteen Mailan Sanpedrotarra nagusitu zen. Moreek 06:19 denbora egin zuten, bigarren sailkatuaren denbora hiru segun...
Eskualdeko arraun elkarteek emaitza onak eskuratu zituzten joan den astebukaeran Tolosan egindako Batelen Federazioa Torneoan.
Mutilen Kadeteen Mailan Sanpedrotarra nagusitu zen. Moreek 06:19 denbora egin zuten, bigarren sailkatuaren denbora hiru segundotan hobetuz. Guztira, hamabi elkartek parte hartu zuten maila horretan.
Mutilen Haurren Mailan ere emaitza onak eskuratu zituzten. Hibaika izan zen guztien artean onena. Errenteriarrek, 05:14 denborarekin lehenengo postua eskuratu zuten. Bigarren sailkatuaren denbora lau segundotan hobetu zuten. Illunbe hirugarren sailkatu zen, Sanpedrotarra laugarren eta San Juan, berriz, bosgarrena izan zen. Hamabost elkarte lehiatu ziren guztira.
Nesketan ere bikain
Nesken Haurren eta Kadeteen Mailan Sanpedrotarrak bigarren postua lortu zuen eta Hibaika, berriz, probako laugarren sailkatua izan zen.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
