Agin Rezola txapeldun, Xenpelar Sarian
Finalean eskualdeko bi partaide zeuden arren, Bertsolari Gazteen XX. Xenpelar Sariko txapela Agin Rezola astigarragarrak jantzi du. Finalean ziren sei bertsolaritatik bik jokatu zuten azken fasea eta Rezolak Aitzol Barandiaranen kontra neurtu behar iza...
Finalean eskualdeko bi partaide zeuden arren, Bertsolari Gazteen XX. Xenpelar Sariko txapela Agin Rezola astigarragarrak jantzi du. Finalean ziren sei bertsolaritatik bik jokatu zuten azken fasea eta Rezolak Aitzol Barandiaranen kontra neurtu behar izan zituen indarrak. Azkenean Rezola nagusitu zen 571 punturekin. Barandiaranek, berriz, 564 puntu erdietsi zituen.
Eskualdeko ordezkariei dagokionez, Alaia Martin oiartzuarra geratu zen hirugarren, 396 punturekin, eta Haritz Casabal, berriz, azkena izan zen 381,5 punturekin.
Atzo jokatu zen finala Errenteria Hiria Kulturgunean, eta jendeak antolatzaileen deiari erantzun zien, aretoa jendez beteta baitzegoen. Ereintza kultur elkarteak eta Xenpelar Bertso Eskolak antolatu dute.
