Programaren helburua, egungo auzoko gizarte ehuna indartzea da, lehen zegoen auzo giroa berreskuratzeko
Herriko Gurutze auzoan Berpiztu programa aurkeztu dute, auzoa biziberritzeko asmoz.
Pasa den larunbatean egin zuten aurkezpena auzoko Bizardia elkartean. Auzo bilera deitu zuten Berpiztu aurkezteko.
Behemendi Landa Garapenerako Elkarteak, Itsasmendikoik eta Oiartzungo Udalak suspertutako programa da Berpiztu. Helburua, egungo auzoko gizarte ehuna indartzea da, hala, lehen zegoen auzo giroa berreskuratu nahi dute.
Helburu hori lortzeko, honakoa da programaren edo proiektuaren abiapuntua: «Nondik gatoz? Non gaude? Nora jo nahi dugu?».
Egitasmoaren lehenengo fasear dagozkio galdera horiek. Sustatzaileek azaldu dutenez, «lehengo fase honetan auzotarrekin elkarrizketak egingo ditugu beraien nahiak, beharrak, ingurua eta egoera lehen eskutik, euren ahotik, eta modu sakonean ezagutzeko».
Harremanetarako
Sustatzaileek jakinarazi dutenez, programaren dinamitzazailea, Behemendi Landa Garapenerako Elkarteko Urkiri Salaberria da.
Edozein zalantza, iradokizun edo hausnarketa egiteko, goizetan, udaletxeko ganbaran egon ohi da. Bestela, 943 49 02 19 eta 649 17 4 6 95 telefono zenbakietan jar daitezke auzotarrak harekin haremanetan.
