Larunbatean, IX. Udazken Jaia ospatu zuen Ttur-ttur Euskaltzaleon Bilguneak. Aurtengo urteurrena taldeko euskaltzaleek ospatu dute, beren artean, aurreko urteetan ez bezala. Bazkaria egin zuten, eta aurreko asteetan jokatutako errezeta lehiaketaren emaitza izan zen bazkariko menua. Izan ere, merkataritzan eta ostalaritzan euskararen erabilera areagotzeko egitasmoaren barruan eskualdeko harategietan martxan dagoen haragi errezeta lehiaketa aitzakia hartuta, Ttur-ttur Euskaltzaleon Bilguneko kideek ere errezeta lehiaketa egin dute. Parte-hartzaile guztien errezetak herriko harategietan dauden buzoietan sartuko dituzte orain, abenduaren 4a arte martxan dagoen haragi errezeta lehiaketan parte hartzeko. Bide batez, horixe da Ttur-ttur Euskaltzaleon Bilgunearen helburua: «Herritarrak animatzea harategietako lehiaketan parte hartzera». Oiartzungo sei harategitan daude lehiaketan parte hartzeko buzoiak: Lizar harategian, Odriozola harategian, Zalakain harategian, Jon harategian, Jone harategian eta Martin harategian. 100 euroko erosketa txartela jasoko du irabazleak eskualdeko herri bakoitzean. Irabazleak gutuna utzi duen establezimendu berean egin beharko du gastua. Hilario Arbelaitzek eta Andoni Luis Adurizek osatuko dute epaimahaia. Harategietako errezeta lehiaketaren oinarriak Antolatzaileak: Oarsoaldeko udalak. Oiartzunen, Udala eta Ttur-ttur Euskaltzaleon Bilgunea, merkataritzan eta ostalaritzan euskararen erabilera areagotzeko egitasmoaren barruan kokatzen baita ekimena. Parte-hartzaileak: Oarsoaldeko harategietako bezeroak. Gaia: Lau lagunentzako errezeta, osagai nagusia harategiko produktua izanik. Non eta nola aurkeztu: Errezetak euskaraz eta txukun idatzita aurkeztuko dira, osagaien zerrenda eta platera egiteko [...]
Larunbatean, IX. Udazken Jaia ospatu zuen Ttur-ttur Euskaltzaleon Bilguneak. Aurtengo urteurrena taldeko euskaltzaleek ospatu dute, beren artean, aurreko urteetan ez bezala.
Bazkaria egin zuten, eta aurreko asteetan jokatutako errezeta lehiaketaren emaitza izan zen bazkariko menua. Izan ere, merkataritzan eta ostalaritzan euskararen erabilera areagotzeko egitasmoaren barruan eskualdeko harategietan martxan dagoen haragi errezeta lehiaketa aitzakia hartuta, Ttur-ttur Euskaltzaleon Bilguneko kideek ere errezeta lehiaketa egin dute.
Parte-hartzaile guztien errezetak herriko harategietan dauden buzoietan sartuko dituzte orain, abenduaren 4a arte martxan dagoen haragi errezeta lehiaketan parte hartzeko. Bide batez, horixe da Ttur-ttur Euskaltzaleon Bilgunearen helburua: «Herritarrak animatzea harategietako lehiaketan parte hartzera».
Oiartzungo sei harategitan daude lehiaketan parte hartzeko buzoiak: Lizar harategian, Odriozola harategian, Zalakain harategian, Jon harategian, Jone harategian eta Martin harategian.
100 euroko erosketa txartela jasoko du irabazleak eskualdeko herri bakoitzean. Irabazleak gutuna utzi duen establezimendu berean egin beharko du gastua. Hilario Arbelaitzek eta Andoni Luis Adurizek osatuko dute epaimahaia.
Ttur-tturren IX. Udazken Jaia, bazkaria
Harategietako errezeta lehiaketaren oinarriak
- Antolatzaileak: Oarsoaldeko udalak. Oiartzunen, Udala eta Ttur-ttur Euskaltzaleon Bilgunea, merkataritzan eta ostalaritzan euskararen erabilera areagotzeko egitasmoaren barruan kokatzen baita ekimena.
- Parte-hartzaileak: Oarsoaldeko harategietako bezeroak.
- Gaia: Lau lagunentzako errezeta, osagai nagusia harategiko produktua izanik.
- Non eta nola aurkeztu: Errezetak euskaraz eta txukun idatzita aurkeztuko dira, osagaien zerrenda eta platera egiteko jarraibideak adieraziko dira bertan eta harategietan jarriko diren kutxatxoetan jasoko dira. Errezetak gutunazalean sartu, egilearen izen-abizenak eta harremanetarako telefono zenbakia gainean idatzita.
- Aurkezteko epea: Azaroaren 4tik abenduaren 4ra.
- Saria: 100 euroko erosketa txartela Oarsoaldeko herri bakoitzean. Irabazleak gutuna utzi duen establezimendu berean egin beharko du gastua.
- Epaimahaia: Hilario Arbelaitz eta Andoni Luis Aduriz.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
