Errausketaren Aurkako Herri Plataformen Koordinakundeak hondakinen gaineko zenbait jardunaldi antolatu ditu datozen asteetarako, Errausketa eta osasuna izenpean. Atzo egin zen lehen saioa Lasarte-Orian, eta abenduaren 2an egingo da azkeneko jardunaldia...
Errausketaren Aurkako Herri Plataformen Koordinakundeak hondakinen gaineko zenbait jardunaldi antolatu ditu datozen asteetarako, Errausketa eta osasuna izenpean. Atzo egin zen lehen saioa Lasarte-Orian, eta abenduaren 2an egingo da azkeneko jardunaldia, Errenteria-Oreretan.
Hondakinen bilketa sistemak izango da hitzaldiaren izena eta Rikardo Ortega San Markoseko Mankomunitateko presidente ohiak eta Mikel Izagirre Urnietako alkateak parte hartuko dute. Xenpelar Etxean hasiko da 19:30ean.
Tartean beste saio bat ere izango da, baina Donostian. Datorren asteazkenean (azaroak 24) Hondakinak nola murriztu? aztertuko dute. Jesus Perez Gomez Ingurumen, Lan eta Osasunaren Institutu Sindikaleko ordezkariak hitz egingo du. 19:00etan izango da, Koldo Mitxelena Kulturunean.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
