Santa Zezilia musikarien patroi izendatu zuten 1594an, eta geroztik jai eguna azaroaren 22an ospatzen dute. Honela, Hondarribiko Musika Eskolak hainbat ekintza antolatu ditu biahrtik aurrera. Hiru eguneko ospakizunak izango dira, eta Hondarribiko Musika Eskolak, Txistu taldeak eta Parrokiako koruak parte hartuko dute.
Bihar arratsaldeko 18:30etik aurrera Hondarribiko Udaletxeko arkupetan, Musikalean, Euskal Herriko Musika Eskolen Elkarteak proposatutako lana aurkeztuko dute. Proposamenaren helburu nagusia musika kalera ateratzea da, eta jai giroa Euskal Herriko hainbat tokitan ordu berean eratzea. Hondarribiko Musika Eskolako kideek ekimenan parte hartuko dute musika hizkuntza, klarinete eta trikitixako ikasleekin. Hauek, pelikuletako musika bandak, euskal abestiak eta bestelako kantak interpretatuko dituzte.
Ostiralean aldiz, arratsaldeko 19:00etatik aurrera, Hondarribiko Udaletxeko areto nagusian, Hariots taldearen kontzertua izango da. Taldea ondorengoek osatzen dute: Miguel Angel Garcia (klarinetea), Julio Bravo (biolina), Iñigo Salaberria (perkusio eta biolina) eta Maite Elizondo (arpa eta pianoa). Igandean, Santa Zezilia egun handia ospatuko dute Hondarribiko Musika Eskolako, Txistu taldeko eta Parrokiako koruko musikariek. Jai eguna goizeko 11:00etan hasiko dute Udaletik aterako den txistularien kalejirarekin. Eguerdiko 12:30ean aldiz, meza izango da Alde Zaharreko parrokian eta txistu taldeak eta koruak musika jarriko dute.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
