Errenteriako Udal Kirol Patronatuari saria emango dio Euskalitek (Bikaintasunerako Euskal Fundazioak) Kirol Entitateetan Kalitatea eta Bikaintasuna Sustatzeko Prestakuntza Programan parte hartzeagatik. Saria Jose Angel Rodriguez patronatuko presidentea...
Errenteriako Udal Kirol Patronatuari saria emango dio Euskalitek (Bikaintasunerako Euskal Fundazioak) Kirol Entitateetan Kalitatea eta Bikaintasuna Sustatzeko Prestakuntza Programan parte hartzeagatik. Saria Jose Angel Rodriguez patronatuko presidenteak jasoko du etzi, Arrasateko Polo Garaian egingo duten ekitaldian.
Hain zuzen, egunotan Kalitatearen eta Bikaintasunaren Europako Astearen baitako ekintzak egiten ari dira, eta horietako bat izango da aipatutako sari banaketa.
Programa
Prestakuntza programa horretan hiru aldundiek eta Euskalitek parte hartu dute, eta asmoa da kirol entitateei kudeaketa hobea egiteko babesa ematea.Horrela, hainbat irizpide proposatu dizkiete gero euren entitateetan aplika ditzaten.
Horrez gain, parte hartu duten kirol entitateek hainbat bilera (guztira, bost) egin dituzte euren esperientziak partekatzeko eta ideia berriak mahai gainean jartzeko.
