La Herrera Herrira Batzordeak La Herrera antolatzeko herritarren proposamena aurkezteko, eztabaidatzeko eta txostena egiteko behar diren izapideak martxan jar ditzan eskatu dio Pasaiako Udalari. Era berean, proposamen hori Hirigintza Plangintzako Aholk...
La Herrera Herrira Batzordeak La Herrera antolatzeko herritarren proposamena aurkezteko, eztabaidatzeko eta txostena egiteko behar diren izapideak martxan jar ditzan eskatu dio Pasaiako Udalari. Era berean, proposamen hori Hirigintza Plangintzako Aholku Kontseiluan azaltzeko aukera eskatu du Batzordeak: “Hartara, proposamen horren edukiak eta filosofiaren gaineko interpretazioak geuk eman ahal izateko”.
Herriko ehunka bizilagunek urtebete baino gehiago eman dute proposamena lantzen. Herritarrek hiriguneari egitura “egokia” eman nahi diote, “espazio libreekin, ekipamenduekin eta merkataritza erabilerarekin jarduera ekonomikoen aldetik dituen gabeziak gainditzen lagundu dezan”. Hiri ingurune horrek lurraldearen zerbitzuko erdigune izan behar duela iritzi diote.
La Herrera antolatzeko Udalak parte-hartze prozesua abiatu zuen. Prozesu horrek bi fase izan ditu; egoera ezagutu eta horren gaineko diagnostikoa egin ondoren, parte-hartzaileek Sintesi Dokumentua zehaztu zuten.
“Proposamen bakarra”
Batzordeko kideen iritziz, proposamena dagoen bakarra da, “herritarren arteko hausnarketatik, eztabaidatik eta adostasunetik sortu delako”.
“Inor baztertu gabe, gizarte eta politika diferentzietatik kanpo, pasaitarrok badakigu gure geroa nola eraiki”
, nabarmendu dute La Herrera Herrira Batzordeko kideek.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
