Kukai eta Ballet Biarritz dantza konpainiek Orereta Ikastolan hainbat dantza ikastaro eman dituzte azken asteotan. Horietan ikasleek gustura entzun dituzte dantza adituen azalpenak. Irailaren 10ean Kukaikoen txanda izan zen. Taldeko zazpi dantzarik ha...
Kukai eta Ballet Biarritz dantza konpainiek Orereta Ikastolan hainbat dantza ikastaro eman dituzte azken asteotan. Horietan ikasleek gustura entzun dituzte dantza adituen azalpenak.
Irailaren 10ean Kukaikoen txanda izan zen. Taldeko zazpi dantzarik hartu zuten parte, eta DBHko lehenengo mailako ikasleekin izan ziren (guztira, 75). Lehenik eta behin, entzun zuten nola sortu zen dantza taldea, zein ibilbide izan duen, partaideak… Ondoren, berriz, dantza saio laburrak egin zituzten. Asteazken honetan eta hurrengoan (azaroak 17 eta 24) DBHko bigarren, hirugarren eta laugarren mailakoen txanda izango da.
Ballet Biarritzeko Gael Domenger dantzariak ere eman ditu hainbat ikastaro azken asteetan. Bertan, DBHko hirugarren eta laugarren mailetako ikasleek hartu dute parte. Dantzariak balletera hurbiltzeko asmoz balleta zer den irakatsi die. Datorren asteazkenean izango du azkeneko saioa DBHko laugarren mailako ikasleekin.
