Hilaren 17an egingo dute irteera, datorren asteazkenean; igande honetara arte eman daiteke izena
Gazte Izanak Erretiratuen Elkarteko kideek Arantzazura irteera antolatu dute hilaren 17rako (datorren asteazkenerako).
Egun horretan, goizean aterako dira Haurtzaro Ikastolako aparkalekutik, 09:00etan. Arantzazun bertan egingo dute hamaiketakoa eta ondoren Arantzazuko santutegiko mezara joango dira.
Gero, Aginaga herrira joango dira eta han bazkalduko dute, sagardotegian.
Irteeran parte hartzeko, Gazte Izanak-eko bazkideek 28 euro ordaindu behar dituzte, bazkide babesleek 29 eta gainontzeko erretiratuek 30.
Izena igandera arte (hilaren 13ra arte) eman daiteke Gazte Izanak elkartearen egoitzan, goizez, 11:00etatik 12:30era.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
