Segundo bakoitzean hogeita lau fotograma erakusten ditu zinemak, eta Ikuskak milaka fotograma eta beste hainbeste segundo prest ditu dagoeneko. Larunbatean Trintxer Kulturalak eta Pasaiako Udalak antolatzen duten XII. Film Laburren Erakustaldia inauguratuko dute, eta astebetez munduko hainbat bazterretako 42 lan ikusi ahal izango dira.
Segundo bakoitzean hogeita lau fotograma erakusten ditu zinemak, eta Ikuskak milaka fotograma eta beste hainbeste segundo prest ditu dagoeneko. Larunbatean Trintxer Kulturalak eta Pasaiako Udalak antolatzen duten XII. Film Laburren Erakustaldia inauguratuko dute, eta astebetez munduko hainbat bazterretako 42 lan ikusi ahal izango dira.
Emea eta anitza lehiaketaz kanpo dagoen atalarekin emango zaio irteteko seinalea erakustaldiari. Emakumearen munduarekin zerikusia duten zazpi lan ikusteko aukera izango dute ikus-entzuleek, eta ondoren, Bekoz Beko elkartearen lankidetzarekin sariak banatuko dituzte. Baina ez da lehen egunean emango duten sail bakarra izango; izan ere, umorezko filmak biltzen dituen Gau guasa saileko bederatzi film labur proiektatuko dituzte.
‘Oceanos’
Aurten lehen aldiz Pasaiako ikastetxeei zuzendutako proiekzioa emango dute erakustaldian. “Orain arte zintzilik genuen ikasgaia da eta Ikuskak etorkizuneko ikus-entzuleei ateak ireki nahi dizkie”, adierazi dute antolatzaileek. Horrela, Karmengo Ama, Pasaia-Lezo Lizeoa eta La Anunciata ikastetxeetako ikasleek Oceanos dokumentala ikusteko aukera izango dute.
Dokumental horrekin gaztetxoak ur handietan murgilduko dira eta bertan bizi diren altxorrak ezagutuko dituzte. Filmak 50 milioi euroko aurrekontua izan du, zinearen historiako dokumentalik garestiena. Teknika berrienak erabili dituzte grabatzeko, kamera bereziak eta euskarri hidrodinamikoak, besteak beste.
Igandean Bicicleta, Cullera, Poma (Bizikleta, Goilara, Sagarra) dokumentala proiektatuko dute. Pasqual Maragall Kataluniako Gobernuko presidente ohiaren eta bere familiaren esperientzia kontatzen du alzheimerraren kontra.
Film guztiak Trintxerpeko alkaterordetzan proiektatuko dituzte, musutruk.
Filmeen egunak, ordutegiak eta informazio gehiago www.ikuska.net atarian aurki daiteke.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
