Udako produktuak landu dituzte Hondarribiko Baratzan
Baratza proiektuaren itxiera ekitaldia egin dute gaur goizean, Zuloaga Etxean. Bertan izan dira, Maite Pelaez, Gizarte Ongizate arloko zinegotzia, eta proiektuan parte hartu duten monitore eta langileak. Baratza proiektuaren VI. edizio honetan hezitzaile batek eta lau operariok lan egin dute. Proiektu honek helburu zehatzak ditu: nekazaritza ekoizpenaren mantenu lanen bitartez baratza komunitarioa sustatzea,ingurunearen eta lanabesen zaintza baloratzea, apaingarri batzuk egitea, eta baratz komunitarioa hedatzea. Aurten gainontzeko urteetan ez bezala, proiektua udan garatu dute, eta beste edizioetan baina produktu gehiago lantzeko aukera izan dute.
Baratzan egin dituzten lanetara bisitak ere antolatu dituzte. Hau honela, uztailean San Jose ikastetxetik 13-14 urte bitarteko 300 neska mutil inguru hurbildu ziren, euskara bultzatzeko udako programaren barruan. Urrian aldiz,ikasturte hasierarekin batera, Hondarribiko gainontzeko ikastetxeetako haurrak hurbildu dira. San Josetik lau talde, Talaiatik beste lau talde eta Ama Guadalupekoatik bi talde. Guztira 250 ikasle inguruk bisitatu dute baratza.
