Udalak Pasaiako Portu Agintaritzako Administrazio Kontseiluan ordezkaririk gabe jarraituko du oraingoz. Lehengo larunbatean ez ohiko plenoa zegoen deituta, hain zuzen, aipatu ordezkaria proposatzeko. Gauzak, baina, lehen unetik okertu egin ziren, eta udalbatzarrak ez zuen ordezkaria proposatzeko adostasunik lortu, botatu gabe Maider Ziganda alkateak bertan behera uzti zuelako udalbatzarra. Legeak hala agintzen duelako deitu zuen alkateak larunbateko plenoa, oposizioko PSE-EEk, EAJk, PPk eta H1ek hala eskatuta. Gobernu Taldeak, baina, Porturako ordezkaria lehengo maiatzaren 14az geroztik izendatuta dagoela defendatzen du. Ordezkaria proposatzea Alkatetzaren eskumena dela dio Gobernu Taldeak, eta argudio horri helduta Maider Ziganda alkateak bere burua proposatu zuen ordezkari izateko. H1ek, PPk, PSE-EEk eta EAJk, ordea, H1eko legegintzaldiaren hasieran eta ordura arte ordezkaria zen Miriam Cano nahi dute postuan eta ordezkaria proposatzeko eskumena udalbatzarrari dagokiola iritzita Eusko Jaurlaritzarengana jo dute, berari baitagokio ordezkaria izendatzea. Ez ohiko plenoa, ez ohiko argazkia Tentsio handia izan zen udalbatzarrean. Maider Zigandak gertakarien irakurketa eginez eman zion hasiera ez ohiko udalbatzarrari, jarraian bertan behera uzteko plenoa. Irakurketa bukatuta, Gobernu Taldeko kideak altxa eta udalbatzarretik irten ziren. EBren zinegotzi Xabier Pombo eta Udaleko idazkari Joseba Belaustegik aretotik irten ziren baita ere. Horrek PSE-EEren, EAJren, PPren eta H1en haserrea eragin zuen, eta balio legala izango ote zuen argitzeke, [...]
Udalak Pasaiako Portu Agintaritzako Administrazio Kontseiluan ordezkaririk gabe jarraituko du oraingoz. Lehengo larunbatean ez ohiko plenoa zegoen deituta, hain zuzen, aipatu ordezkaria proposatzeko. Gauzak, baina, lehen unetik okertu egin ziren, eta udalbatzarrak ez zuen ordezkaria proposatzeko adostasunik lortu, botatu gabe Maider Ziganda alkateak bertan behera uzti zuelako udalbatzarra.
Legeak hala agintzen duelako deitu zuen alkateak larunbateko plenoa, oposizioko PSE-EEk, EAJk, PPk eta H1ek hala eskatuta. Gobernu Taldeak, baina, Porturako ordezkaria lehengo maiatzaren 14az geroztik izendatuta dagoela defendatzen du. Ordezkaria proposatzea Alkatetzaren eskumena dela dio Gobernu Taldeak, eta argudio horri helduta Maider Ziganda alkateak bere burua proposatu zuen ordezkari izateko. H1ek, PPk, PSE-EEk eta EAJk, ordea, H1eko legegintzaldiaren hasieran eta ordura arte ordezkaria zen Miriam Cano nahi dute postuan eta ordezkaria proposatzeko eskumena udalbatzarrari dagokiola iritzita Eusko Jaurlaritzarengana jo dute, berari baitagokio ordezkaria izendatzea.
Ez ohiko plenoa, ez ohiko argazkia
Tentsio handia izan zen udalbatzarrean. Maider Zigandak gertakarien irakurketa eginez eman zion hasiera ez ohiko udalbatzarrari, jarraian bertan behera uzteko plenoa. Irakurketa bukatuta, Gobernu Taldeko kideak altxa eta udalbatzarretik irten ziren. EBren zinegotzi Xabier Pombo eta Udaleko idazkari Joseba Belaustegik aretotik irten ziren baita ere. Horrek PSE-EEren, EAJren, PPren eta H1en haserrea eragin zuen, eta balio legala izango ote zuen argitzeke, plenoarekin aurrera jarraitzea erabaki zuten.
Adinean zaharrena izanik, PPko Angel Olasok hartu zuen udalbatzarraren gidaritza. Gogor kritikatu zuten han geratu ziren denek Gobernu Taldearen jokaera, baita idazkariarena eta EBrena ere, ondoren, denek aho batez, Miriam Cano proposatzeko Porturako ordezkari.
“Estatu kolpea”, “irizurra” eta “esperpentoa”
Udalbatzarrean jazotakoek berehalako ondorioak izan zituen. Udaletxean bertan bi aldeen prentsaurreko bana, eta, ondoren EBren prentsa oharra, udalbatzarrean jazotakoak “esperpentotzat” joz.
H1en, PSE-EEren, EAJren eta PPren iritziz, alkateak “iruzurra” egin nahi du “legeak gaindituz” eta plenoari dagozkion eskumeak bere eginez. Ezker Abertzaleko zinegotziek aldiz, eskumena alkatetzarena dela diote, eta aipatu alderdiek, “estatu kolpea” eman eta “Udala kanpotik gobernatu” nahi dutela salatu dute. Arazoa politikoa dela eta gertatutako guztiak helburu bakarra duela diote; «Ezker abertzalea alboratzea eta isilaraztea».
Horren aurrean, “Pasaia, pasaitarrak eta eta bere Udalak errespetatuak izan daitezen” lanean jarraituko dutela adierazi dute ezker abertzaleko zinegotziek.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
