[Galeria] Irun ere euskararen alde Korrikan

Jada euskararen aldeko Korrika Irundik pasatzen ari da. Irungo bizilagunek pozez ekin diote euskararen aldeko egun handiari.

Imanol Saiz Gomez de Segura

Irun

2017/04/04

20. Korrikak hogeita bi kilometroz zeharkatu ditu Irungo kaleak.

Jada euskararen aldeko Korrika Irundik pasatzen ari da. Irungo bizilagunek pozez ekin diote euskararen aldeko egun handiari. Gaurko eguerdian, Irungo kaleak euskara aldarrikatzeko agertokia izan dira. Ehunka lagun Guretzetik jaitsi eta tipi tapa tipi tapa Irunen sartu den lasterketari batu dira. 1.176 kilometroa da izan da Irungo lehena. Hortik, beste hogeita bat kilometroz korrika aritu dira irundarrak, gogoz. 13:59an, gutxi gorabehera, furgonetaren lehen soinuak entzun dira; Korrika bazetorren. Usategietatik aurrera, Tesa lantegia, La Salle Ikastetxea edo Azken Portu Kiroldegitik pasa da. 14:47an Hendaian sartu da, 15:54an berriro Irunera bueltatzeko. 16:03ean Hondarribira zuzenduko da Korrika, berriro ere Irunen, lasterketaren 1.212. kilometroa egiteko. Orduan, Goiko ingurabideraino egingo dute korrika, Irungo 20. Korrikaren ibilbideari amaiera emateko. Batzuk besteak baino azkarrago, baina denek argi zuten: “Irunen ere euskararen alde”. Irundik Biriatu eta Hendaiara joan da Korrika. Handik bueltan, Santiago zubian, euskalgintzako, erakundeetako eta bestelako talde batzuetako kideek, elkarrekin, eskuz-esku pasatu dute lekukoa. esanahi handiko kilometroan. Behin hori eginda, Hondarribia aldera egin du Korrikak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.