Igauri Lopetegi: 'Astelehenetan astelehena'

Irunabar Irungo Bertsoaren Bilgunearen eta HITZAren elkarlanaren harira, Igauri Lopetegik bertso sorta egin du. Hona hemen, Lopetegik egindakoa:

Astelehenetan astelehena

Doinua: ‘Egunaren izena (potajiarenak)

1.

Egunaren izena

eztakit nola zan,

baina seinalagarri

astegun bat bazan

aurrekoa pasatzen

zenez beti plazan,

ajeari’re hola

ohi genion esan,

batak beti bestea

erakarri dezan.

2.

Izatez pena bat da

igandearena.

Hontaz artikulu bat

da Egañarena

gutxi gorabehera hau

esaten duena:

Jaiegunetan jai da

egin behar dena,

eta astelehenetan

pasa astelehena.

3.

Igande arratseko

festa plan ederra

soilik larunbat gauez

ez al da okerra?

Igandeetan izaten

baitugu alferra.

Lehen astelehenarekin

buruko min gerra

zuenari esaten

zioten alferra!

4.

Igandeetan etxean

triste, plof, soraio…

jaiegunak ez dira

hortarako jaio.

«Peli eta mantita»

baina ze arraio?

Igandeetan joan behar da

zerbeza karraio,

astelehenari astelehen

ze ba esaten zaio?

5.

Bi jaiegun ditugu,

bi jaiegun omen,

nahiz zazpi egun izan

aste orok hemen,

igandeetan patxadaz

jardun behar, zeren

lan egiteko hartu

behar da atseden.

Horrela bihurtzen da

igandea astelehen.

6.

Loretxoa jaio zen

libre izateko,

inor ez dago ongi

inoren menpeko.

Baina hola gabiltza

gu lana tarteko…

Bizi honen aldean

ez al da hobeto

bizitzeko bizi ta

ez lan egiteko?

7.

Lehengusu ttiki bat dut,

lehengusu itzela,

azkar somatzen zaio

azkarrena dela.

Ttikitan behin galdetu

genion honela:

«Zuk zer izan nahi duzu

handia zarela?»

Ta hark: «Jubilatua,

attona bezela».

8.

Nahiz eta irabazi

alferraren fama,

gure etxean sarri

amoñak esana:

«Unos llevan la fama

y otros la lana».

Astean zehar hori

izaten da plana:

Nagusiek fama ta

langileek lana.

9.

Ai! astelehenak behera,

astelehenak gora…

Nik esandako hauek

oroitu gerora:

Iganderik ez galdu

inondik inora,

berrogei ordukoa

dugu lan denbora,

gainontzeko guztia

guk bizitzeko da.

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.