Jon Luzuriaga Iurramendi: "OTAri (Ordaindu Ta Amorratzeari)"

Irunabar Irungo Bertsoaren Bilgunearen eta HITZAren elkarlanaren harira, Jon Luzuriaga Iurramendik bertso sorta egin du. Hona hemen, Zabalak egindakoa:

OTAri (Ordaindu Ta Amorratzeari)

Doinua: ‘Betroiarena A’

 

1.

Hiri modernoa ez

al da tiranoa?

Ipurdian atera

ohi den granoa?

Pobreenentzat presto

du sotamanoa…

Ni igual izan arren

probintzianoa

zu hain urbanoa;

harreman sanoa

eta humanoa

zen bion asmoa

baina barru guztia

hustera noa.

 

2.

Hondarribia, Irun

edo Hendaiara

autoz joanez gero

dena da traba

txuloren baten bila

hona eta hara

aparkatu arte bi

ordu beharbada

hau gutxi ez bada

gero zuri paga

ematea jada

nahitaezkoa da

zerbitzu deitu arren

lapurra zara!

3.

Lehen leku gutxitan

zeuden osasuntsu

orain muturra nonahi

atera duzu

zoritxarrez onartu

zaitugu amultsu

baina nire protestak

ze amorru kutxu

nahiz ez esan usu

aitortzen dut sutsu

maiz hartu ohi dut su

gorroto zaitut zu

nire txanpon guztiak

jaten dituzu!

 

4.

Ezikusiarena

eginda arantza

ateratzeko izan

dut esperantza

txanponik bota gabe

zure ahorantza

zigortuko al nauzun

geroko zalantza

ustezko bengantza

edo errebantxa

egitean antza

multa testigantza

beti oso garesti

irten zait txantxa!

5.

Gusto txarreko OTA

TAO bedeinkatu

pozoinez nahi zintudan

madarikatu!

Bederatzi puntutan

nahiz ozen kantatu

belar txarra ezin da

errez akabatu…

Sorta hau bukatu

aurretik ohartu

hitz onik aipatu

badizut barkatu

eta gaizki esanak

gogoan hartu!

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.