Igauri Lopetegi Amostegi: "Josu Zabala 76 50"
Irunabar Irungo Bertsoaren Bilgunearen eta HITZAren elkarlanaren harira, Igauri Lopetegi Amostegik bertso sorta egin du. Hona hemen Lopetegik egindakoa:
Josu Zabala 76 50
Doinua: ‘Hamalau heriotzena’
1.
24 urteko
Irungo gazte bat
ta 24 urteko
Irungo beste bat
hizketan ginelako
izan dut uste bat,
nola kontatzen zidan
istori triste bat,
bizia bera galdu
zuen desastre bat:
2.
«76
ta Irailak 8.
50 urte
ez dira, ba, gutxi!
Eskolan ez dizute
inoiz erakutsi,
gaurkoa ez dezazun
hain garbi ikusi,
baina nik ondo dakit
ta kontatzen utzi.
3.
Alardea bukatu,
manifa bat hasi
Pertur egin zuten ta
desagerrarazi.
Guardia Zibilak giro
nahasi hura nahasi.
Amnistia! egiten
genula garraxi,
bizitzak egin zidan
ahotik ihesi.
4.
«Hemen Zabala hil zuten»
paretan ageri,
nahiz ta hiltzen ahal zuten
beste bat, beste bi…
Heriotza jartzeko
aurpegiz aurpegi,
bala hark bizkarrean
eman zidan neri,
apuntatuta hemen
gauden guztieri.
5.
Cabacas hil ta inor ez
kartzelara joan,
bat galdua barrabil
bat desalojoan,
Gasteizen pelotazo
batek jo ahoan…
Ni bezelako asko
oraindik dago han.
Dei nazazue Josu
guztiak gogoan!»
6.
Zabalak memoria
nahi balu zabaldu,
bere ahotik guk geuk
beharko azaldu.
Gu gazte bat, beste bat
guzti bat gara gu,
ta Hondarbiyan Gu horrek
Josu izena du.
Dagonan aurka egin
beharra daukagu!
