Gutuna: "Eguberriak Irunen"
Nekane Barandianek gutuna bidali du HITZAra. Gogoeta egin du hirian jarri dituzten Gabonetako apaingarrien gainean. Hona, hitzez hitz, hark esandakoak:
“Zuengana jotzen dut nire haserrea adierazteko Irungo Udalak Gabonetako dekorazioen eta argiak piztearen inguruan hartutako erabakiengatik. Aurten, ikusi dugu nola jarri diren Gabonetako apaingarriak, gure kulturarekin zerikusirik ez dutenak berriz ere, baina orain areagotuta: elur-oreinak eta udaletxearen aurrean jarri duten lera. Ez al dago tokiko ohiturarik hain data seinalatuetan nabarmentzea merezi duenik?
Horri gehitu behar zaio apaingarri horiek erosteko gehiegizko gastua. Baina, hori gutxi balitz, argiak pizteko, udalak Kataluniako abeslari bat kontratatu du, gure musika eta kultura ordezka zezaketen tokiko artistak alde batera utzita.
Ulertezina egiten zait gure lurraren benetako erreferenteei ezikusiarena egitea besteren aukeren mesedetan”.
