Honakoa da, Irungo Harrera Sareko lagun batek HITZAra bidali duen gogoeta, hitzez hitz. MS dira gutuna bidali duenaren izen eta abizenaren inizialak.
Ostegunean, migratzaileei harrera egiteko aterpetxera joan nintzen, bezperan bertaraino lagundu nuen bikote bat bisitatzera.
Sarreran mutil bat aurkitu nuen lurrean, buruari eusten eta minez bihurritzen. Gurutze Gorriak kudeatutako aterpetxe horretan bertan hartutako mutil bat zen.
Bisitatzera joandako bikoteak esan zidan goizetik egoera horretan zeramala, eta aterpetxeko inork ez zuela haren alde ezer egin.
Atea jo nuen mutilari laguntzeko eskatuz, eta erantzun gisa jaso nuen ez zutela inor medikatzeko eskumenik. Ez eta laguntzarik eskaintzeko ere?
Bikotearen eta nire artean, mutikoa inguruko banku batera eraman genuen, bere kabuz ibiltzeko gai ez baitzen, eta 112ra deitu genuen. Bitartean, bisitatzera joandako emakumeak baso bat ur atera zuen. Anbulantzia iritsi zenean, eskualdeko ospitalera eraman zuten.
Haserre nago laguntza humanitarioko dispositibo honek gazte honi eman dion tratu ankerragatik. Ez da gizatiarra.
Baliabide horrek zin egiten du migratzaileei arreta integrala ematen diela. Ostera, bertako inor ez da 112 telefonora deitzeko gai, baliabide horretan bertan hartutako pertsona baten osasun larrialdia dela eta.MS. Irungo Harrera Sarearen laguna.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
