
Mentxu Galen Kolorearengatik pasioa erakusketa irailaren 14an itxiko ditu ateak. Mostra, margolariaren izen bereko aretoan ikusgai dago, ostiral eta larunbatean 18:00etatik 21:00etara, eta igandetan 11:30etatik 13:30etara.

Irun Hiria Musika Bandak Junkaleko Ama omenduko du ostiralean, Junkaleko plazatxoan.

Bidasoa Kirol Klubak asanblada orokorra egingo du bihar, Amaia Kultur Zentroko Hitzaldi Aretoan.

Irungo Udalak Hiritarren Urrezko Dominen banaketa atzeratu behar izan duela jakinarazi du gaurkoan. Izan ere, hasiera batean urriaren 20an egitea aurrekusi zuten arren, hauteskundeen hausnarketa egunarekin bat egiten duenez atzeratzea erabaki dute. Hal...

Familian egiteko modukoak dira; eraikinen aztarnak berreskuratu eta bidean seinaleak jarri dituzte Aiako Harria Parke Naturalean kokatutako baso mitologikoa irekita dago bisitarientzat. Arditurriko Interpretazio Zentrotik abiatzen diren hiru ibilbidek osatzen dute baso mitologikoa. Familian, edonork erraz egiteko moduko ibilbideak dira hirurak. Panel batek hiru ibilbideei buruzko azalpenak ematen ditu eta ibilbide bakoitza seinaleztatuta dago, galbiderik egon ez dadin. Ibilbideen inguruan dauden eraikinen aztarnak ere txukundu eta konpondu dituzte. Besteak beste, transformadore bat, labe bat, Danborreko txabola… ikusteko eta ezagutzeko aukera izango dute bisitariek. Egin duten beste lan garrantzitsuetako bat Unai Lekuko borda konpontzea izan da. Borda erortzear zegoen eta hori gertatu aurretik, konpondu egin dute eta teilatua jarri diote. Aiako Harria Parke Naturalean eta Arditurriko meatze gunean eskaintzen den baliabide turistiko bat gehiago da Aiako Harriko baso mitologikoa, «baita bertako aberastasuna erakusteko aukera berri bat ere». Familia giroan egiteko «plan merke eta polita» eskaintzen dute ibilbideek, Arditurriko aparkalekuan autoa utzi eta oinez egiteko. Udalaren —OTASAren bidez— eta Oarsoaldea Garapen Agentziaren arteko elkarlanak ahalbidetu du ibilbide berri hauek garatzea. Horretarako, 141.591,41 euroko inbertsioa egin dute. Gehiena, Eusko Jaurlaritzatik eta Gipuzkoako Foru Aldunditik jaso diren diru laguntzekin finantzatu da (99.518,61 euro) eta gainerakoa Oiartzungo Udalak ordaindu du.

Hilabeteroko zita daukate odol emaileek, eta gaur eta bihar ekintza hori egiteko aukera izango dute Reina aretoan (gaur) eta Beraungo anbulatorioan (bihar). Bi orduz egongo dira bertan, 18:30etik 20:30era, bi egunetan. Batik bat odol emaileak ez direne...

Astun, Pic des Moines, Regufe D’Ayous, Pic D’Ayous, Chemin de La Mature eta Pont de Cebera pasatuko dituzte Oporrak baino lehen bertan behera gelditu zen Giriziak antolatutako asteburupasa, baina dagoeneko antolatu du hurrengoa. Mendizaleak Astunera (Huesca) joango dira hilaren 22an eta 23an. Hilaren 22an (larunbata), 15:30ean aterako dira Haurtzaro Ikastolako aparkalekutik, eta Astunera joango dira. Bertan, El Aguila izeneko aterpean pasatuko dute gaua. Hilaren 23an (igandea), berriz, irteera egingo dute: Astun, Pic des Moines, Refuge D’Ayous, Pic D’Ayous, Chemin de la Mature eta Pont de Cebera. Zazpi-zortzi orduko ibilaldia izango dela kalkulatu dute antolatzaileek. 65 euro Irteeran izena eman nahi dutenek, ohiko tokietatik pasatu behar dute. Prezioa 65 eurokoa da, eta honakoak daude prezioaren barruan: autobusa, afaria, lotarako lekua eta gosaria. Ibilaldia bukatuta, etxera itzuliko dira mendizaleak igande arrats partean. Haurtzaro Ikastolako aparkalekuan utziko ditu autobusak.

Irailaren 16rako (igandea) bizikleta martxa antolatzen ari da Oiartzungo Udala, herriko bi zikloturista elkarteekin batera (Girizia eta Lartaun). Dagoeneko txirrinda martxaren inguruko gauza gehienak zehaztuta badaude ere, gaur bilera irekirako deia eg...

Ikasturte berrirako zortzi ikastaro antolatu ditu Gaxuxa elkarteak

Fernando San Martin Euskara ordezkariak eta Jaione Campo Udal Euskaltegiko zuzendariak ikasturte berriaren aurkezpena egin dute gaur goizean. Nik maite dut euskara lelopean, adin eta jatorri guztietako herritarrak ikasturte berri honetan parte hartzera gonbidatu dituzte, eta era horretan euskaltegiaren 30. urteurrena ikasle ohi zein berriekin ospatzeko deia luzatu dute. Horiek horrela, ikasturte berrian izena emateko epea datorren irailaren 10etik 19ra bitartean zabalik egongo da. Jaione Campo zuzendariak azaldutakoaren arabera, “ikasleen helburuak oso ezberdinak izaten dira: bada jendea etortzen dena azterketa ofizial baten emaitzaren bila; bada jendea mintzamena lantzera etortzen dena; badira ikasleak euskaldun zaharrak izanik bere euskara maila hobetzera datoztenak…”. Horiek horrela, maila eta beharren araberako ikastaroak eskainiko ditu aurten ere euskaltegiak, eta horrez gain, mintzamen taldeak eta idazketa tailerrak bultzatzen ere saiatuko da. Esperientzia zabalduz Miren Olaskoaga euskaltegiko ikasleak ere parte hartu du aurkezpenean, bere esperientzia jakitera emateko asmoarekin. Olaskoaga euskaldun zaharra izanik hainbat ikasturte egin ditu euskaltegian eta bere hitzetan “Irungo bizilagun guztiak etortzera gonbidatzen ditut. Baina benetan merezi duela gure hizkuntza delako, gure herriaren hizkuntza, eta gure betebeharra da hori zabaltzea”.

Inoiz baino udalbatzar motzagoa izan zen atzoko. Gai ordena ikusita espero zitekeen, eta zinegotziak ez ziren gehiegi luzatu eztabaidatzeko zeuzkaten bost puntutan. Gairik garrantzitsuena etxe kaleratzeei buruzkoa izan zen, eta aurrera atera zen aho batez PSE-EEk egindako proposamena. Mozio horretan onartu zuten, hala nola, etxe kaleratzeak bi urtez etetea eskatzea eta alokairu sozialera bideratutako etxebizitza parke bat sortzea. Bilkuran azaldu ziren ere Stop Kaleratzeak taldeko kideak ere. Oro har, udalak hartutako jarrerarekin pozik agertu ziren, baina hainbat zehaztapen egin zituzten atzo onartutako hamar puntuko mozio horretan. Hala nola, Espainiako Gobernuaren jarrera salatzeaz gain, araudia urgentziaz aldatzeko eskatu zuten, eta etxebizitza ordainean ematea, eta horietan alokairu soziala ezartzea eskatu zuten. Espainiako Gobernuak araudia aldatuko ez balu, Gasteizko Legebiltzarrari etxebizitza eskumena galdegiteko exijitu diote. Udalari, zehazki, kaleratzeen ondorioz, hutsik geratu diren etxebizitzen errolda egiteko proposatu dio, batik bat Babes Ofizialeko Etxebizitzak kontuan hartuta. Errolda horren bidez, etxea galdu dutenak berriro bueltatu daitezkeela azaldu du, baita alokairu sozialaren eskaerari erantzun ere. Horrez gain, herrian kaleratzeak egin dituzten eta egiten ari diren bankuetatik funtsak kentzea, udaltzainek etxe kaleratzeetan ez parte hartzea, eta Eusko Jaurlaritzari Ertzaintza ez bidaltzea eskatzea, etxe kaleratzeak daudenean udalak eta zinegotziek zuzenean esku hartzea, eta azkenik, elikagaien banku bat sortzea. Eztabaidatu [...]

Tximeleta taldeak hiru sari jaso ditu. Batetik, 3K kirol erakundeen kudeaketa hobetzeko proiektuei emandakoa; dagoeneko jaso du sari hori. Bestetik, Zilarrezko Bikain Ziurtagiria, hizkuntza kudeaketaren kalitatearen bermea da, eta joan den astean eman ...

Asteburuan ospatu dute Antxon Laurak Bat Egunaren bigarren zatia. Aurreko asteburuan Trintxerpen egin bezala, pintxo lehiaketa egin zuten ostiral eta larunbatean barrutian. Sei tabernak hartu zuten parte: Mimosek, Prost!-ek, Danik, Kamiok, Ekarrik eta...

Urteak egin zituen larunbatean Dublinen 1912an jaio zen Fionwala Ologhlen hondarribiarrak. Zenbaki borobila izanik, Aitor Kereketa alkateak emakumea zoriondu zuen hondarribiar guztien izenean. Sei seme-alaba eta 7 biloba ditu Ologhlenek eta modu ezinhobean ospatu zuen ehungarren irtebetetzea, familia giroan.

Jaizkibelen Baccharis halimifolia espezie inbaditzailea erradikatzeko lanen aurkezpena egingo dute gaur udaletxeko areto nagusian, 19:30ean. Ion Garin eta Anais Mitxelena Aranzadiko kideek emango dituzte azalpenak. Gainera, abenduaren 1ean, larunbatarekin, txango bat egingo dute landare horren erradikazio lanak non egingo dituzten ezagutzeko. Baccharis halimifolia landarea erradikatzeaz gain, Jaizkibel mendikoak berezkoak diren bi habitat berreskuartzea dute helburu: Cladium maricus formazioak eta bertan aurkitzen diren Thelypteris palustris landareak, eta Erica vagans landarearen kostako txilardiak. Aranzaditik zehaztu dutenez, Baccharis halimifolia landarea kostako habitaten kalitatea kaltetzen ari da eta dagoeneko eragin handia izan du Jaizkibelgo Cladium mariscus espezie endemikoaren formazioetan: “Jaizkibelgo flora eta habitaten aberastasuna paregabea da. 2470 hektareetatik %71a 26 formazio natural eta seminaturalez osaturik egonik, horietatik 12 interes komunitariokoak dira. Habitat horietako bat Cladium mariscus formazioak deritzona da, erkidegoan oso urria eta eremu murritza duena”. Larunbateko txangora joatea libre da, baina izena eman behar da aldez aurretik: Interesaturik daudenek 943 11 12 42 telefono zenbakira deitu edo posta elektroniko bat bidali behar dute, ostiraleko 14:00ak baino lehen.

Jai batzordeak bilera egingo du gaur arratsaldean, Antxoko azokan. Bilera 20:00etan hasiko dela jakinarazi dute antolatzaileek.

Herrialde Katalaneraino bidaiatu zuen Real Unionek igandean, Lleida Esportiu taldearen aurka lehiatzeko asmoz. Bi taldeek husnakoarekin bukatu zuten partida. Hortaz puntu bat gehiago eskuratuta itzuli ziren txuri-beltzak etxera. Hala, azken partidaren ...

Mariasun Landa idazle errenteriarra esku artean bi liburu dituela bueltatu da: Maitagarria eta desioa eta Marikanta eta inurriak. Lehenengoaren kasuan, Maite Gurrutxagak egin ditu ilustrazioak eta Elkar argitaletxearekin atera du; bigarrena, berriz, Jo...

Martxa Berdea antolatu du Independentistak Sareak abenduaren 6rako Durangon, Bagoaz. Euskal Herriak #Independentzia! lelopean. 17:00etan izango da, Landako gunean. Bertara joateko autobusak antolatu dituzte herrian. Garmendi txokolategian eta Amazkarre...

Azken aldian pil-pilean dagoen gaia landuko dute gaur zinegotziek azaroko ohiko udalbatzarrean: etxe kaleratzeen gaineko mozioa. Horrez gain, beste lau gai jarriko dituzte mahai gainean. Ohiko tramiteei buruzko bi puntuen ostean, Errenteriako Udala tok...